RIJCHARIPAICHI REVISTA Núm. 1, 2022 | Cai mundopi llaquicunata chimbapurangapaca ¿imatata rurai ushapanchi?
Cai mundopi causaica ashtahuanmi huaglishpa catijun. Gentecunapa nali ruraicunamanda, terremotocunamanda, acapanacunamanda y shuj llaquicunamandapashmi gentecunaca ashtahuan sufrishpa causan. Pero quiquinda y quiquinba familiata chai llaquicuna ama yapata afectachunga ¿imatata rurai ushapangui?
Cai mundopi llaquicunataca ¿imashinata chimbapurai ushapanchi?
Llaquicunapi cashpaca imagutapash aliguta pensarishpami decidina capangui, shinami quiquinllata, quiquinba familiatapash cuidaita ushapangui.
1 | Ñucanchi saludta cuidapashunchi
Ñucanchi saludta cuidashpaca llaquicunatapashmi chimbapuraita ushapashun.
2 | Culquiguta ali utilizapashunchi
Aliguta pensarishpa culquiguta utilizanata yachaj cashpaca imapash llaqui chayamujpipash chai llaquita aliguta chimbapurangapaj ashtahuan ali preparadomi capangui.
3 | Ñucanchi familiata cuidapashunchi
Cusahuarmi causaita shinlliyachingapaj, amigocunamanda, huahuacunamanda ama caruyangapaca cai consejocunata ricupai.
4 | Jipa punllacunapi ali causaigu tianata yaria causapashunchi
Bibliaca problemacunata chimbapurachun, jipa punllacunapi ali causaigu tianata yaria causachunbashmi ayudan.
Cai Rijcharipaichi revistapica caicunatami ricupashcanchi
Quiquinda y quiquinba familiata llaquicuna ama yapata afectachunga cai consejocunata catipangui.
