Taitamamacuna

Quiquingunapa huahuagucunamanga ¿ima regalotata carapanguichiman? Huahuagucunaca tauca cosascunatami minishtin. Paicunaca munanmi quiquinguna juyachun, yachachichun, cuidachunbash. Shinapash Jehová Diosmanda, Bibliapa yachachishcacunatapash yachanami ashtahuan valishca regalo can (Proverbios 2:​3-5). Chaicunata yachanami, huahuacunataca ayudanga Jehová Diosta juyachun, tucui shunguhuan huahuamandapacha sirvichunbash (Mateo 21:16).

Tauca taitamamacunaca cuenta japishcami ashagutalla liishpa, huaquin cosascunatalla rurachishpa huahuagucunaman yachachijpica, ashtahuan ali yachajujta. Chaimandami ninanda cushijushpa villapanchi Bibliamanda yachajui callarigrini folleto llujshishcata. Cai folletoca taitamamacuna huahuagucunaman Bibliamanda fácil yachachichunmi ayudanga. Cai folletopi dibujocuna, escribishca shimicunapash quimsa huatata nara charij huahuagucunapi pensarishpa rurashcami can. Cada leccionbimi nin, huahuagucunata imatalla rurachinata. Cai folletoca huahuacuna pugllachunga na canllu. Chaipa randica taitamamacuna huahuagucunahuan liichun, huahuagucunahuan fácil parlachun ayudangapami can.

Taitamamacuna, quiquingunapa huahuacunata ‘huahuamandapacha’ Bibliamanda yachachichunmi, cai folletoca ayudapanga (2 Timoteo 3:​14, 15).

Quiquingunapa huauquicuna,

Testigo de Jehovacunapa Cuerpo Gobernante

[Ilustración en la pagina 3]