¿IMAMANDATA MINISHTIRISHCA CAN? Apóstol Pabloca 14 carta librocunatami huauquipanicunata ñaupaman catichun animangapaj escribirca. Primera a los Corintiosca chaipurapimi can. Shuj cartata escribinaca alimi can. Shuj cartata escribijushpaca ali yuyashpa, juyailla shimicunatami escribi ushapanchi, cutin cartata chasquijca cutin cutinbashmi liita ushan. Shuj cartataca familiacunaman, rijsicunaman, huasipi na tupai ushashca gentecunamanmi villachingapaj escribi ushapanchi. ¿Nachu huaquinbica villachinajushpa pihuanbash ali parlajushpaca, paihuan cutin parlangapaj munapanchi? Shinallata ¿nachu na yaicui ushanalla edificiocunapi, carulla pushtucunapi causajcunaman villachitaca na ushapanchilla? Tucuicunamanmi villachingapaj munapanchi. Shinaca na rijsi gentecunaman escribinajushpaca ¿imatata yaipi charina capanchi?

¿IMATATA RURASHUN?

• Paipa ñaupajpi cashpa imata nigrijushcashnallata escribipangui. Quiquinba shutitara nishpa, imamanda escribijushcata uchalla nipangui. Shuj tapuiguta rurashpa, chai tapuimanda respuestataca Internetpi jw.org paginapi ricui ushashcata villapangui. Jipaca ñucanchicuna paicunapa huasipillata Bibliata yachachingapaj munashcata, o Bibliata yachachingapaj shuj publicacionmanda maijanbash temamanda escribipangui. Cartahuanga tarjeta de presentación jw.org nishcata, shuj invitacionda, o shuj tratadogutapashmi cachai ushapangui.

• Ashalla shimicunapi escribipangui. Pipash liigrijushpaca, ashtaca letracunata ricushpaca na liingapaj munangachu (página 8​pi, shuj cartata imashina escribinata ricupai).

• Escribishca cartapica ama pandacunata nijuchun, ali ricurichun, intindirinalla cachun ricupangui. Aliguman, cushilla, respetohuan escribipangui. Cartata cachangapaj pagana minishtirijpica, pagapanguilla.