¿Bibliapi consuelota tari ushanichu?
Bibliaca caitami yachachin
Ari (Romanos 15:4). Ashtaca gentecunami jatun llaquicunatami chimbapuranajun, chaimandami llaquillapacha can. Shinapash Bibliapimi ayudata tarishca ñaupaman catingapaj.
Cai articulopica Bibliamanda huaquin textocunami shuj shuj llaquicunata chimbapurajujpi quiquindaca ayudanga:
Jatun llaquicunapi cashpa
Salmo 23:4: “Can ñucahuan cajpimi, huañui japinalla llandu pugru pambata rijushpapash, ima nalitapash na manllasha”.
Significado: Jehová a Diosta mañapai, Bibliata liipai, shina rurashpaca ima llaquicunata charishpapash chimbapurai ushanguimi.
Filipenses 4:13: “Taita Dios poderta cujpimi, ñucaca tucui cosascunata mishangapaj fuerzata charipani”.
Significado: Jehová Diosca quiquin ima llaquicuna charijpipash fuerzata cushpami ayudaita ushan.
Juyashca familia huañujpi
Eclesiastés 9:10: “Can rina Seolpica, imata ruranapash, imata yarijunapash, imata yachajunapash, ali yachaipash na tianllu”.
Significado: Huañushcacunaca nimata na yachanllu, na sufrinajunllu ni pitapash llaquichi ushanllu.
Hechos 24:15: “Taita Dios causachinata cripani”.
Significado: Taita Diosca ñucanchi juyashca familiacunatami causachigrin.
Culpable sintirishpa
Salmo 86:5: “Can Jatun Diosca, aligupachami capangui, nalita rurashcatapash cungajmi capangui. Tucui canda mañajcunataca, ninandapacha llaquijmi capangui”.
Significado: Taita Diosca ñucanchi punda juchata rurashcacunamanda arripintirijpica perdonanmi, shinallata cutin cai juchacunapillata na rurajpica.
Salmo 103:12: “Indi llujshimuj ladoca, indi huashajuj ladomandaca carupimi. Chashnallatami ñucanchi na cazushcacunatapash, ñucanchimanda caruyachirca”.
Significado: Taita Diosca ñucanchi juchacunata perdonashpaca cungaitapachami cungan. Caru carupi churanshnami can.
Llaquillapacha sintirishpa
Salmo 31:7: ‘Ñuca llaquilla cajta can ricushcamandami, can llaquijpi ninanda cushijujusha’.
Significado: Taita Diosca tucuitami can sufrijujtaca yachan. Shinallata paica shujcuna na intindijpipash can sufrijujtaca alipachami intindin.
Salmo 34:18: “Mandaj Diosca, shungupi ninanda llaquirishpa causajcunapaj ladopimi. Shungupi ninanda llaquirishpa causajcunatami quishpichin”.
Significado: Taita Diosca quiquin llaquilla cajpica quiquinhuanmi casha ninmi. Quiquin llaquilla cajpica fuerzata cushpami Jehová Diosca ayudai ushan.
Ungushca cashpa
Salmo 41:3: “Nanaihuan camapi sirijujpipash, Mandaj Diosmi ayudanga”.
Significado: Taita Diosca ñucanchi shinlli unguicunahuan cajpipash ayudai ushanmi tranquiloyachishpa, fuerzata cushpa, shinallata ama yapata preocuparishpa ali decidichunbash.
Isaías 33:24: “Chaipi causajcunaca, pipash na: ‘Ñucaca huañujunimi’ ninajungachu”.
Significado: Taita Diosca cai alpapi tucui causanajuj gentecunamanmi shuj punllaca sano causaita caragrin.
Estresado o yapata pinarishpa
Salmo 94:19: “Ñuca shungu ucupi ashtaca yuyaicunahuan musparijujpica, can cushichishcacunami, ñuca almatapash cushichihuarca”.
Significado: Estrés unguihuan cashpa Jehová Diosta mañajpica ama yapata preocuparichunmi ayudaita ushan.
1 Pedro 5:7: “Shinallata ima preocupaciongunata charishpapash paimanmi tucuita saquina capanguichi. Porque paica, quiquingunamandaca ninandami preocuparin”.
Significado: Taita Diosca ñucanchi ima problemacunata charishpapash ninandami preocuparin, chaimi tucuita paiman villachun munan.
Guerra tiajpi
Salmo 46:9: ‘Paica, cai pacha tucui manñacunacaman jatun macanajuicuna tiajtapash tucuchingami’.
Significado: Taita Diospa Gobiernoca ñallami tucui guerracunata tucuchinga.
Salmo 37:11, 29: “Ashtahuangarin na jariyajcunami, llactataca japinga. Casilla ali causaihuanmi, ninanda cushijunajunga Imatapash cashcatapacha rurajcunami, llactataca japinga. Chai llactapica, causaitami causanajunga”.
Significado: Ali gentecunaca cai alpapica cushillami para siempre causanajunga.
Futuromanda preocuparishca cashpa
Jeremías 29:11: “Cangunaman ñuca imatalla ruranata yarijushcataca, ñucami yachani. Casilla ali causaita caranatami yarijuni, llaquicunataca na cachashachu. Canguna shuyanajushcatami caragrini ninmi Mandaj Diosca”.
Significado: Taita Diosca paita sirvijcunamanga juyailla causaiguta caragrijun.
Apocalipsis 21:4: “Paimi gentecunapa ñavimandaca tucuilla viquita fichachinga. Huañuipash nunca más ñana tiangachu. Ima llaquipash, huacaipash, ima nanaipash nunca más ñana tiangachu. Ñucanchita sufrichishca cosascunaca ñami tucurishca nircami”.
Significado: Taita Diosca cai mundopi tucui sufrichij cosascunatami tucuchinga.
a Taita Diospa shutica Jehovami can. (Salmo 83:18, TNM-S) ¿Pita can Jehová? nishca temata ricupai.
Cai temacunata ashtahuan liipai
VILLAJUN REVISTA
Taita Dios juyajpi causanaca ¿imamandata quiquinballata ali can?
Bibliapica Taita Diospa nishcacunapi crichunmi ayudan
BIBLIAPA TAPUICUNA
Cusilla ali causaigutaca ¿maipita tarita ushapanchi?
Bibliami cunanbi ali causaita charichun shinallata shamuj punllapi ali causaigu tianata shuyachunbash ayudan.
SHUJ SHUJ TEMACUNA
Familiamanda, amigocunamanda pipash huañujpica llaquillapachami can
Quiquinba familiamanda pipash huañujpica quiquin imashina sintirijushcataca pipash na intindinllu nishpami pensarita ushapangui. Quiquin imashina sintirijtaca Taita Diosca alimi intindipan chaimi ayudaitapash ushapan.
VILLAJUN REVISTA
Na causashpa catingapaj munajpi
Llaquicunata chimbapurajushpaca ñaupaman catica ushapanguimi.
BIBLIAMANDA HUAQUIN YACHACHISHCACUNACA
Diosca ¿imamandata llaquicuna tiachun saquishca?
Ashtaca gentecunaca ¿imamandata ashtaca llaquicuna tian? nishpami tapurin. Shinapash Bibliapica shuj ali causai ñalla tianatami yachachin.
BIBLIAPA YACHACHISHCACUNA
Bibliataca ¿imashinata yachajui ushapangui?
Bibliamanda gratis yachajupai.