BAUTISMO. Ñaupa tiarina asientoguna bautisaringaraujcunajllami an o maibi paiguna tiarina ushanun shu comunicadohua yachachinunga. Chibi tiarinunga manara Bautismo yachachishcaunara uyana callarishcallaira sábado tutamandai. Tucui bautisaringaraujcunaga apamuna ushan shu toalla, shinallara shu ali llachapa armangaj churarina.

CULLQUIRA CUSHA YANAPANUN. Ashca gastoguna rurarinushca ali tiarinaunamanda, parlantegunamanda, videogunamanda, shujta ministirishcaunamanda cushi asamblea charingaj, shinallara Jehová Diosmanda mas mayanllayamungaj. Camba shungumanda cushca cullquihua yanapana ushanga cai gastoguna pagangahua, shinallara intiru mundui Bibliamanda yachachingaj. Chiraigu cai asambleai cullquira churana cajaguna huaquin partiunai tian. Cushca cullquiunamanda pagarachu ninchi. Jehovahuaj Testigogunahuaj Cuiraj Muntun pagarachuna munanun cuyashcamanda Diospa Reinora yanapangaj.

OBJETOS PERDIDOS. Tucui chingarishca cosasguna Departamento de Objetos Perdidos nishca lugarbi saquina angui. Shinallara apana anun cai lugarbi chingarishca huahuaunara. Astaun tucuigunara mana shujcunara mana turbaringahua, camba huahuaunara tucui huras pariju charingui.

PASIACHIJCUNA. Pasiachijcuna canda yanapangahua munanun. Auto maibi saquingahua, maibi tiarinara apina ushangui, maita rina ushangui, ima ninujpis casuna angui.

PRIMEROS AUXILIOS. Ama cungaringuichu cai lugar EMERGENCIA MINISTIJCUNALLA AN.

TIARINA ASIENTO. Rugaunchi shujcunamanda iyarichu. Tiarina asiento apinara munashaga canhua pariju autoi rijcunajlla, familiacunajlla Bibliamanda yachajcunajlla apina ushangui. Shu tiarinara mana apangaraushaga ama cosasgunara churaichu.

YANAPANA MUNAJCUNA. Asambleai yanapana munashaga, can rina ushangui Información o Servicio Voluntario nishca lugarma.

DIOSPA MANDANAMANDA YACHACHISHA PURIJCUNAHUAJ ESCUELA. Precursorgunara 23 a 65 huatayujcunaga, paiguna mas Bibliamanda yachachina sirvingaj munasha, domingo tutamanda shu tandarina tianga escuelama rina munajcunaj. Maibi, ima huras, shu comunicadohua yachachinunga.