Ali casarashcauna Jehová Diosta ahuayachisha cushiyanun (Mr 10:9). Jesusta catij runa paihua casarana ashca timpu cushiyachu munasha Dios rimashca shimiunara pactachina an maicanhua casarangaj ajllana huraspi.

Tapuchinara rurangaj munashaga ‘ña rucuyaujpi casarangaj’ mascana ushan, chi nisha nin, cunara malta tucuushcamanda ali ruranara ajllangaj shinzhi timpu ashcaraigu yapa aicha munaigunamanda (1Co 7:36). Malta timpura alira utilizai Jehová Dioshua ali apanunara shinzhiyachingaj shinallara ñucanchi iyaira alichingaj. Chita rurasha ali puruntushca tucungui ali cari, ali huarmi angaj.

Maicanhua manara casarashallara ashca timpura charingui ricsingaj chi runa imasna ashcara (1Pe 3:4). Mana puruntushca sintirisha, maicanhua casarana munashcara cuintangui. Mas iyari casarashcai can ima cuna ushashcara mana shujmanda apinallai iyaringaj (Flp 2:​3, 4). Malta ashallara Biblia rimashcaunara pactachi, shina rurasha can casarashcaibi pactachina ushangui, shina camba casarashca ucui cushi angui.

CASARANGAJ IMASNA PURUNTUNA. PARTI 3: ‘CULLQUIRA YUPAI’ VIDEORA RICUSHCA HUASHA, CATIJ TAPUIGUNARA CUTIPAI:

• Cai panihua Carloshua pactachina ¿imasnara riuca?

• ¿Imamandara cai pani riparaca Carlos huauquira ricsisha catiushcai?

• ¿Imasnara paihua yayauna paita yanapanuca, ima ali sabiru iyaira apica?