Examinando las Escrituras diariamente nishca folletomanda caran punzha Bibliamanda textora, folleto ima rimashcara ¿leanguichu? Chita chara mana rurausha ¿leangaj callarina ushanguichu? Ashcauna tutamandai leanun intiru punzha leashcara iyaringaj (Jos 1:​8; Sl 119:97). Bibliamanda texto yanapachu ¿imara rurana angui? Textora mas intindingaj ñaupa, huashalla tiaj textoguna leana ushangui. Bibliamanda texto ima ricuchishcara yachangaj shu Bibliamanda cuintashcai iyari. Huasha camba causaibi cai Bibliamanda iyaira casui. Diospa Shimimanda ima rurangaj ajllashcai, cai yanapachu saquinchi (Sl 119:105).

Intiru mundui Betelbi sirvijcuna manara tarbashcallaira, Examinando las Escrituras diariamente nishca folletohua yachanun. Puchucai huataunai, cai tutamanda aduranauna JW Broadcasting^® programai llucshinushca (videoguna PROGRAMAS ESPIRITUALES). ¿Ima huras caita ricushcangui? Can uyana ministishcara charingachari. Lot runara pasashcamanda imasna ñucanchi causaibi yanapana ushashcara ricushun.

CAI MUNDURA MANA LLAQUISHUN (1JN 2:15) VIDEO RICUSHCA HUASHA, CATIJ TAPUIGUNARA CUTIPAI:

• Tutamandai adurana ¿ima Biblia iyaimanda rimaca?

• ¿Imasnara Lotmanda cuintashca yachachin mundui tiaj cosasguna mana llaquina ashcara? (Gé 13:12; 14:12; 19:​3, 12, 13, 24-26).

• ¿Imasnara cai mundui tiaj cosasgunara llaquina randimanda Jehová Diosta llaquishcara ricuchinchi?