‘Wari Hem Change Go lo Hapi’

PLAY

Lo August 4, 2026, Birobidzhanskiy District Court of the Jewish Autonomous Region convictim Sista Irina Savkina and givim hem tu years suspended prison sentence. Court no requirem for hem go lo prison distaem.

Profile

Irina Savkina

Born: 1976

Baptaes: 2002

Baekgraon: Waka blo hem for kuki insaed skul cafeteria. Hem garem tufala dota

Chargem hem for: Participate lo olketa religious meeting blo Olketa Jehovah’s Witness via videoconference, singsing, and prea

Sentence: Tu years suspended prison sentence

Personal Koment

Wat story lo Bible nao encouragem iu during disfala hard taem?

Recently mi study abaotem story blo Jael wea stap lo Judges chapter 4. Taem mi read abaotem disfala woman wea no fraet hem mekem mi tingim staka nara woman lo Bible wea stand strong and faithful lo Jehovah. Taem mi imaginim mi standap witim olketa, feeling for wari wea mi garem change go lo hapi. Mi krae taem mi ting abaotem hao Jehovah continue for helpem mi. Mi savve taem mi savve fraet, mi prea lo Jehovah and sei, “Dadi, mi barava feel wik, plis helpem mi,” and hem always lo there for mi. Hem spesol hao taem mi feisim persecution, heart blo mi hem hapi.

Iumi kasem strong taem iumi tingim dat Jehovah “evritaem lukluk lo olketa wea raeteous” and bae hem rewardim iumi from iumi faithful.—Job 36:7.

Lukim Tu

WORLD NIUS

Olketa Jehovah’s Witness wea Stap lo Prison Bikos lo Faith blo Olketa—Location

Kantri wea Jehovah’s Witness stap lo prison, samtaems olketa mistreatim olketa, bikos olketa duim samting for showim faith blo olketa and followim basic rights blo olketa.