“Mi Gohed Muv Forward”

PLAY

Lo May 12, 2025, Sovetskiy District Court blo City of Chelyabinsk convictim Brata Andrey Shurygin and sentencem hem for faev years and six months lo prison. Olketa tekem hem from kotrum go stret lo prison.

Profile

Andrey Shurygin

Born: 1976 (Ust-Karabolka, Chelyabinsk Region)

Baptaes: 1998

Baekgraon: Wanfala electrician. Maritim Yevgeniya lo 2006. Tufala garem tufala gele

Chargem hem for: Organizem and conductim olketa religious meeting blo Olketa Jehovah’s Witness

Sentence: Faev years and six months lo prison

Personal Koment

Hao nao example blo Jesus for no givap hem helpem iu?

Jesus experiencem persecution tu taem hem stap lo earth. Taem mi kasem persecution mi barava understandim wat Bible talem abaotem Jesus lo Hebrews 5:8, 9: “Nomata hem wanfala son, hem lane for obey from olketa samting wea hem safa lo hem. And gogo hem fit nao, and bikos lo hem evriwan wea obeyim hem savve kasem laef olowe.” Nomata Jesus garem perfect record blo wei for obey bifor hem kam daon lo earth, hem “lane for obey” lo niu wei thru lo wat hem deal witim taem hem kamap wanfala human. Datwan mekem hem for perfect lo wei wea hem qualify for kamap Hae Priest blo iumi distaem. Olketa hard taem wea mi feisim distaem, hem helpem mi for lukim dat mi need for impruv lo staka samting. For mekem progress hem no isi. Samfala day, hem olsem mi ran, and olketa nara taem hem olsem mi wakabaot slow. Nomata wat nao happen, important samting hem for gohed muv forward.

Iumi evriwan feisim olketa hard samting, bat iumi for “letem wei for stand strong hem gohed trainim” iumi, and iumi grateful lo Jehovah for sapotim iumi, wea datwan mekem iumi “fit lo evri gudfala wei.”—James 1:4.

Lukim Tu

WORLD NIUS

Olketa Jehovah’s Witness wea Stap lo Prison Bikos lo Faith blo Olketa—Location

Kantri wea Jehovah’s Witness stap lo prison, samtaems olketa mistreatim olketa, bikos olketa duim samting for showim faith blo olketa and followim basic rights blo olketa.