For staka pipol, for olketa difren race garem equal raet hem still olsem wanfala dream wea no kamap tru yet.

•   Datwan hem gohed for mekem pipol for treatim each other lo wei wea hem no equal.”—António Guterres, UN Secretary-General.

 Hao, for evri race kasem equal treatment savve really happen? Wat nao Bible talem abaotem diswan?

Tingting blo God abaotem evri difren kaen race

 Bible teachim iumi abaotem hao God hem ting lo pipol blo difren race.

•   “God wakem pipol long evri kantri long world from wanfala man nomoa and hem wakem olketa for stap long evri ples long earth.”—Acts 17:26.

•   “God hem no favorim eniwan. Long evri kantri long world, sapos man worshipim God and duim samting wea stret, God bae hapi long hem.”—Acts 10:34, 35.

 Bible storyim evri pipol lo disfala earth olketa relate and God acceptim pipol lo difren race.

Evri race bae kasem equal treatment

 Kingdom blo God, wea hem wanfala gavman lo heven bae mekem diswan for kamap. Datfala gavman bae teachim pipol hao for treatim each other lo stretfala wei. Pipol bae lane for winim eni feeling wea savve mekem olketa no heitim and treatim nogud lo narawan lo difren race.

•   “Olketa pipol wea stap lo land hia lane abaotem samting wea raeteous.”—Isaiah 26:9.

•   “Samting wea kamaot from trufala raeteous fasin, hem peace, and frut blo trufala raeteous fasin, hem wei for stap sef and for stap lo peace for olowe.”—Isaiah 32:17.

 Distaem staka million pipol lanem from Bible hao for treatim olketa narawan witim respect.

•   For savve moa, readim disfala issue blo Wekap! Magasin wea garem title “Waswe, Pipol Savve Stap Gud Tugeta?”

•   Readim disfala article lo English “Talking to Children About Racism” for helpem parents savve hao for storyim disfala subject lo olketa lo haos blo hem.