Jesus—Road, Truth, Laef
Disfala buk storyim evri samting wea Bible talem abaotem laef bilong Jesus
INTRODUCTION
Road, Truth, Laef
Olketa samting wea Jesus teachim and duim, wea olketa Gospel story abaotem, savve changem laef bilong iu.
CHAPTER 1
Tufala Message From God
Angel Gabriel talemaot olketa message wea no isi for olketa bilivim.
CHAPTER 2
Jesus Hem Kasem Praise Bifor Hem Born
Long wanem wei nao Elizabeth and baby long bele bilong hem praisem Jesus?
CHAPTER 3
Man for Redyim Wei Hem Born
Semtaem Zechariah savve toktok moa, hem talem important profesi.
CHAPTER 4
Mary Babule Bat Hem No Marit
Waswe, Joseph bilivim Mary taem hem sei paoa bilong holy spirit mekem hem babule?
CHAPTER 5
Jesus Born Long wea and Long Wanem Taem?
Hao nao iumi savve Jesus hem no born long December 25?
CHAPTER 6
Pikinini wea God Promis for Sendem Kam
Taem Joseph and Mary tekem baby Jesus go long temple, tufala olo profet talem profesi abaotem Jesus.
CHAPTER 7
Olketa Man From East Go for Lukim Jesus
Why nao datfala star wea olketa lukim long East hem no leadim olketa long Jesus, bat hem leadim olketa long King Herod firstaem, wea laek killim Jesus dae?
CHAPTER 8
Olketa Ranawe From Wanfala Nogud King
Thrifala profesi long Bible kamap tru taem Jesus hem smol pikinini.
CHAPTER 10
Jesus Go Witim Famili Bilong Hem Long Jerusalem
Joseph and Mary barava wari taem olketa no faendem Jesus, bat hem sapraes olketa no savve hem stap long haos bilong dadi bilong hem.
CHAPTER 11
John Baptaesa Redyim Wei
Taem samfala Pharisee and Sadducee kam long hem, John tok strong long olketa. Why nao olsem?
SEKSON 2
Start Bilong Ministry Bilong Jesus
CHAPTER 13
Lane From Wei wea Jesus Deal Witim Olketa Test
Wei wea Devil traem Jesus pruvim tufala samting abaotem Devil.
CHAPTER 14
Jesus Chusim Olketa Firstfala Disaepol
Wanem nao mekem first sixfala disaepol bilong Jesus bilivim Jesus hem datfala Messiah?
CHAPTER 15
Firstfala Mirakol Bilong Jesus
Jesus mekem mami bilong hem luksavve, Dadi bilong hem long heven nao bae talem hem wanem for duim, no mami bilong hem.
CHAPTER 16
Jesus Strong for Worshipim God
Law bilong God sei pipol mas peim olketa animal long Jerusalem for sakrifaesim, so why nao Jesus kros long olketa bisnisman long temple?
CHAPTER 18
Waka Bilong Jesus Kamap Big Bat Waka Bilong John Gogo Daon
Olketa disaepol bilong John Baptaesa jealous, nomata John hem no jealous.
CHAPTER 19
Jesus Teachim Wanfala Woman Bilong Samaria
Jesus talem hem samting wea hem no talem long olketa narawan.
SEKSON 3
Ministry Bilong Jesus Long Galilee
CHAPTER 21
Insaed Sinagog Long Nazareth
Wanem nao Jesus storyim wea mekem pipol long homtaon bilong hem laek for killim hem dae?
CHAPTER 22
Fofala Disaepol Bae Fishing for Kasem Pipol
Hem askem olketa for lusim fishing bisnis and startim fishing for kasem pipol.
CHAPTER 23
Jesus Duim Olketa Nambawan Samting Long Capernaum
Taem Jesus raosem olketa demon, hem stopem olketa demon for no talem pipol hem Son bilong God. Why nao olsem?
CHAPTER 24
Go for Preach Long Galilee
Pipol kam long Jesus for hem healim olketa, bat Jesus sei God no sendem hem kam for duim datwan nomoa.
CHAPTER 25
Jesus Sorre Long Man wea Garem Leprosy and Healim Hem
Jesus talem wanfala simpol toktok wea showimaot hem barava tingim olketa wea hem healim olketa.
CHAPTER 26
“Iu Kasem Forgiveness for Olketa Sin Bilong Iu Nao”
Hao nao Jesus showimaot sin hem join witim sik?
CHAPTER 28
Why Nao Olketa Disaepol Bilong Jesus No Followim Kastom for No Kaikai?
Jesus storyim wanfala tokpiksa abaotem olketa wine bag for helpem olketa minim datwan.
CHAPTER 29
Waswe, Hem Fitim for Man Duim Gudfala Samting Long Sabbath?
Why nao olketa bigman bilong olketa Jew persecutim Jesus taem hem healim man wea sik for 38 year finis?
CHAPTER 30
Jesus Hem Son Bilong God
Olketa bigman bilong olketa Jew tingse Jesus sei hem semsem witim God, bat Jesus talemaot klia God hem winim hem.
CHAPTER 31
Tekem Frut Bilong Wheat Long Sabbath
Why nao Jesus kolem hemseleva “man wea rulim Sabbath”?
CHAPTER 32
Waswe, Hem Stret for Duim Gud Samting Long Sabbath?
Bifor, olketa Sadducee and olketa Pharisee no stap gud tugeta, bat distaem olketa wan mind for againstim Jesus.
CHAPTER 33
Profesi Bilong Isaiah Kamap Tru
Why nao Jesus stopem olketa wea hem healim for mas no talem eniwan hu nao hem and wanem hem duim?
CHAPTER 36
Bigman Bilong Army Showimaot Strongfala Faith
Wanem nao disfala bigman duim wea mekem Jesus sapraes?
CHAPTER 37
Jesus Mekem Wanfala Boy Laef Bak
Olketa wea lukim datfala mirakol luksavve long mining bilong datwan.
CHAPTER 38
John Askem Jesus Sapos Hem Nao Datfala Messiah
Why nao John Baptaesa askem Jesus sapos hem nao datfala Messiah? Waswe, John no sure?
CHAPTER 39
Pipol wea No Repent Bae Kasem Nogud Samting
Jesus sei long taem wea God judgem evriwan, panis wea pipol long Capernaum kasem bae worse winim panis wea pipol long Sodom kasem. Capernaum hem main taon wea hem stap taem hem duim ministry bilong hem.
CHAPTER 40
Wanem Iumi Savve Lanem Abaotem Wei for Forgive
Taem Jesus sei hem forgivim sin bilong wanfala woman wea maet hem jury, waswe, datwan showimaot Jesus tingse hem olraet nomoa for brekem law bilong God?
CHAPTER 41
Paoa for Duim Olketa Mirakol
Olketa brata bilong Jesus tingse samting mas rong witim mind bilong hem.
CHAPTER 42
Jesus Tok Strong Long Olketa Pharisee
Wanem nao datfala “mirakol wea happen long Jonah” hem piksarem?
CHAPTER 43
Olketa Tokpiksa Abaotem Kingdom
Jesus storyim eitfala tokpiksa for explainim samfala samting abaotem Kingdom bilong God.
CHAPTER 44
Jesus Mekem Bigfala Wind for Kwaet
Taem Jesus tok strong long wind and talem sea for kwaet, hem showimaot nambawan samting wea bae hem duim taem hem rul long Kingdom ovarem full earth.
CHAPTER 46
Woman wea Tasim Kaleko Bilong Jesus
Samting wea happen long datfala woman showimaot Jesus hem kaen and tingim feeling and hem garem paoa.
CHAPTER 47
Smol Gele Hem Laef Bak!
Olketa pipol laf long Jesus taem hem sei wanfala gele wea dae finis hem sleep nomoa. Wanem nao hem savve wea olketa no savve?
CHAPTER 48
Pipol Long Nazareth No Biliv Long Jesus
Pipol long Nazareth no biliv long Jesus, no bikos long wanem hem teachim or olketa mirakol wea hem duim, bat bikos long nara samting.
CHAPTER 49
Preach Long Galilee and Trainim Olketa Aposol
Why nao olketa aposol sei ‘Kingdom bilong God hem kam klosap nao’?
CHAPTER 50
Redi for Preach Nomata Pipol Againstim Olketa
Jesus sei olketa aposol mas no fraetem dae, so why nao hem talem olketa for ranawe taem pipol spoelem olketa?
CHAPTER 51
Killim Man Dae Long Birthday Party
Herod enjoyim tumas dance bilong Salome so hem promis for givim hem eni samting wea hem askem. Wanem nogud samting nao hem ask for hem?
CHAPTER 52
Jesus Feedim Staka Thousand Pipol
Disfala mirakol bilong Jesus hem barava big samting dastawe fofala Gospel storyim.
CHAPTER 53
Ruler wea Savve Kontrolem Weather
Taem Jesus wakabaot antap long sea and mekem wind for kwaet, wanem nao olketa aposol lanem from datwan?
CHAPTER 54
Jesus Nao “Datfala Bred wea Mekem Pipol Laef”
Why nao Jesus tok strong long pipol nomata olketa traem best for kam long hem?
CHAPTER 55
Staka Pipol Feel Nogud Long Toktok Bilong Jesus
Jesus talem samting wea mekem plande disaepol bilong hem feel nogud and lusim hem.
CHAPTER 56
Wanem Samting Nao Savve Mekem Man for No Klin?
Waswe, samting wea go insaed, or samting wea kamaot from man nao savve mekem hem for no klin?
CHAPTER 57
Jesus Healim Wanfala Gele and Man wea Earpas
Why nao wanfala woman no feel nogud taem Jesus sei pipol long kantri bilong hem olsem olketa smol dog?
CHAPTER 58
Feedim Staka Pipol and Givim Warning Abaotem Yeast
Olketa disaepol just minim nao samting wea Jesus talem abaotem yeast.
CHAPTER 59
Hu Nao Son Bilong Man?
Wanem nao olketa key bilong Kingdom? Hu nao bae iusim olketa key hia, and bae hem iusim olketa key hia for wanem?
CHAPTER 60
Vision wea Showimaot Glory wea Christ Bae Kasem
Wanem nao thrifala aposol lukim insaed wanfala vision? Wanem nao mining bilong datwan?
CHAPTER 61
Jesus Healim Boy wea Demon Stap Long Hem
Jesus sei datfala boy no kasem healim bikos samwan no garem faith. Hu nao Jesus sei no garem faith? Hem datfala boy, dadi bilong hem, or olketa disaepol bilong Jesus?
CHAPTER 62
Jesus Teachim Olketa Aposol for Hambol
Olketa man lanem important samting from smol pikinini.
CHAPTER 63
Jesus Givim Samfala Important Kaonsel Moa
Hem storyim thrifala samting wea man savve duim taem problem kamap and hao for stretem problem witim nara brata.
CHAPTER 64
Hem Important for Forgivim Narawan
Taem Jesus iusim tokpiksa abaotem wakaman wea no showimaot mercy, hem showimaot tingting bilong God taem iumi willing for forgivim narawan.
CHAPTER 65
Jesus Gohed Teach Taem Hem Gogo for Jerusalem
Taem Jesus story witim thrifala man, hem storyim olketa samting wea savve stopem man for no followim hem.
SEKSON 4
Ministry Bilong Jesus Long Judea
CHAPTER 66
Bigfala Hipap Bilong Olketa Jew Long Jerusalem
Wanem nao mekem olketa wea lisin long Jesus tingse demon stap long hem?
CHAPTER 67
Pipol Sapraes Long Toktok Bilong Jesus
Klosap evriwan long Hae Kot bilong olketa Jew againstim Jesus, bat wanfala no fraet for defendim hem.
CHAPTER 68
“Laet for Pipol Long Disfala World”
Jesus sei tru samting bae mekem man free. Free from wanem?
CHAPTER 69
Dadi Bilong Olketa Hem Abraham or Devil?
Jesus storyim hao for luksavve long olketa pikinini bilong Abraham, and tu, hu nao Dadi bilong hem.
CHAPTER 70
Jesus Healim Man wea Blind
Olketa disaepol askem wanem nao mekem man hia blind. Waswe, hem sin bilong hem? Waswe, hem sin bilong dadi and mami bilong hem? Pipol garem difren tingting taem Jesus healim hem.
CHAPTER 71
Olketa Pharisee Go Story Witim Man wea Blind Bifor
Samting wea datfala man wea blind bifor hem talem, hem mekem olketa Pharisee kros fogud. Dadi and mami wari nogud olketa raosem hem from sinagog, and hem nao samting wea happen.
CHAPTER 72
Jesus Sendem Go 70 Disaepol for Preach
Long Judea, Jesus chusim 70 disaepol and markem tufala for waka tugeta for preach abaotem Kingdom. Waswe, olketa disaepol bae go for preach long olketa sinagog or long haos bilong pipol?
CHAPTER 73
Man Long Samaria wea Showimaot Hem Lovem Narawan
Hao nao Jesus iusim datfala tokpiksa abaotem man long Samaria for teachim iumi important samting?
CHAPTER 74
Welkamim Man and Gohed Prea and No Givap
Jesus go long haos bilong Mary and Martha. Wanem nao hem teachim tufala abaotem wei for welkamim man? And bihaen datwan, wanem nao hem teachim olketa disaepol bilong hem abaotem prea?
CHAPTER 75
Jesus Storyim Wanem Nao Mekem Man Barava Hapi
Jesus story long pipol wea againstim hem abaotem ‘finger bilong God’ and wanem nao hem minim taem hem sei ‘Kingdom bilong God hem stap bat olketa no luksavve.’ Hem storyim tu wanem nao savve mekem pipol barava hapi.
CHAPTER 76
Jesus Kaikai Witim Wanfala Pharisee
Jesus showimaot olketa man wea teachim law and olketa Pharisee olketa laea. Wanem nao olketa hevi samting wea olketa mekem pipol karem?
CHAPTER 77
Jesus Givim Kaonsel Abaotem Riches
Jesus storyim tokpiksa abaotem rich man wea wakem olketa big haos for keepim olketa gud samting bilong hem. Wanem kaonsel nao Jesus talem moa abaotem nogud samting wea savve kasem man wea aftarem riches?
CHAPTER 78
Wakaman wea Faithful, Iu Mas Redi Gudfala!
Jesus showimaot hem laekem olketa disaepol for gohed strong long spiritual wei. Wanem waka nao datfala wakaman wea faithful bae duim for strongim olketa? Why nao hem barava important for redi gudfala?
CHAPTER 79
Why Olketa Jew wea No Biliv Bae Finis
Jesus sei olketa wea hem trae for helpem olketa bae gogo olketa finis sapos olketa no repent. Waswe, bae olketa lanem important samting wea Jesus trae for teachim olketa, wea hem nao for ting raonem hao nao God ting long olketa?
CHAPTER 80
Olketa Fence Bilong Sheepsheep
Wei wea man for lukaftarem sheepsheep lukaftarem gud olketa sheepsheep bilong hem showimaot Jesus lovem olketa disaepol. Waswe, bae olketa minim wanem hem teachim and followim hem?
CHAPTER 81
Jesus Wan Mind Witim Dadi, Bat Hem No God
Samfala Jew accusim Jesus and sei hem mekem hemseleva semsem witim God. Hao nao hem iusim olketa Holy Raeting for pruvim wanem olketa talem hem no tru?
CHAPTER 82
Ministry Bilong Jesus Long Perea
Jesus explainim wanem man mas duim for sev and why nao staka bae no sev. Wanem hem talem hem important long datfala taem. Waswe long distaem?
CHAPTER 83
Olketa wea Kasem Invitation for Kam Long Feast
Taem Jesus kaikai long haos bilong wanfala Pharisee, hem talem wanfala tokpiksa abaotem bigfala feast. Hem iusim samting wea happen for teachim pipol bilong God wanfala important samting. Wanem nao datwan?
CHAPTER 84
Responsibility Bilong Disaepol Bilong Christ
Hem bigfala responsibility for kamap disaepol bilong Christ. Jesus talem stret wanem nao man mas willing for duim.
CHAPTER 85
Olketa Long Heven Hapi Taem Man wea Sin Repent
Olketa Pharisee and olketa man wea teachim Law tok againstim Jesus bikos hem associate witim olketa man nating. Jesus iusim olketa tokpiksa for showimaot tingting bilong God abaotem pipol wea sin.
CHAPTER 86
Son wea Lus Hem Kam Bak
Wanem nao iumi savve lanem from tokpiksa bilong Jesus abaotem datfala olobaot son?
CHAPTER 87
Iusim Gudfala Tingting and Plan for Future
Jesus talem tokpiksa abaotem wakaman wea spoelem selen bilong boss for teachim barava tru samting long olketa disaepol.
CHAPTER 88
Bigfala Change wea Kamap for Rich Man and Lazarus
For minim tokpiksa bilong Jesus iumi mas savve hu nao datfala rich man and Lazarus piksarem.
CHAPTER 89
Jesus Teach Long Perea Taem Hem Gogo for Judea
Hem storyim fasin wea savve helpem iumi for forgivim samwan nomata hem sin againstim iumi staka taem.
CHAPTER 90
Man wea ‘Givim Laef and Mekem Pipol Laef Moa’
Wanem nao Jesus minim taem hem sei olketa wea showimaot faith long hem ‘bae no dae’?
CHAPTER 91
Lazarus Hem Laef Bak
Tufala samting mekem hem hard for olketa wea againstim Jesus for denyim disfala mirakol.
CHAPTER 92
Wanfala Nomoa Talem Thankiu Long Jesus
Datfala man wea gud hem no talem thankiu nomoa long Jesus bat long narawan tu.
CHAPTER 94
Hem Barava Important for Prea and for Hambol
Long tokpiksa bilong Jesus abaotem wanfala nogud judge and wanfala widow woman, Jesus strongim wanfala fasin wea hem important tumas.
CHAPTER 95
Teaching Bilong Jesus Abaotem Divorce
Tingting bilong Jesus abaotem olketa smol pikinini hem barava difren from olketa disaepol. Why nao olsem?
CHAPTER 96
Young Man wea Rich Askem Kwestin
Why nao Jesus sei for wanfala rich man go insaed Kingdom bilong God bae hem olsem wanfala camel hem trae for go insaed hol bilong nila for sewim kaleko?
CHAPTER 97
Tokpiksa Abaotem Olketa Wakaman Long Grape Planteison
Long wanem wei nao olketa wea first bae last and olketa wea last bae first?
CHAPTER 98
Olketa Aposol Laekem Hae Position
James and John askem Jesus for hae position insaed long Kingdom, bat hem no tufala nomoa wea laekem datwan.
CHAPTER 99
Jesus Healim Tufala Man wea Blind and Helpem Zacchaeus
Hao nao tufala story long Matthew and Luke abaotem taem wea Jesus healim man wea blind klosap long Jericho no againstim each other?
CHAPTER 100
Tokpiksa Bilong Jesus Abaotem Tenfala Mina
Wanem nao Jesus minim taem hem sei: “Man wea minim samting bae minim moa samting, bat man wea no minim eni samting, nomata lelebet samting wea hem minim bat bae God tekem datwan from hem tu”?
CHAPTER 101
Jesus Kaikai Long Haos Bilong Simon Long Bethany
Mary, sista bilong Lazarus duim samting wea mekem olketa narawan kros, bat Jesus defendim hem.
CHAPTER 102
King Raedem Young Donkey for Kam Long Jerusalem
Jesus mekem wanfala profesi wea olketa talem faev handred year go finis hem kamap tru.
CHAPTER 103
Jesus Klinim Temple Moa
Olketa bisnis man long Jerusalem luk olsem olketa duim bisnis wea helpem pipol, so why nao Jesus kolem olketa man for steal?
CHAPTER 104
Waswe, Olketa Jew Bae Lisin and Showimaot Faith?
Why nao wei for biliv long Jesus hem difren from wei for duim samting for showimaot man hem biliv?
CHAPTER 105
Jesus Iusim Fig Tree for Teachim Olketa Disaepol
Jesus teachim olketa disaepol abaotem wei for garem strongfala faith and hem explainim why God lusim nation bilong Israel.
CHAPTER 106
Tufala Tokpiksa Abaotem Olketa Grape Planteison
Lanem mining bilong tokpiksa abaotem man wea askem tufala boy bilong hem for waka long grape planteison, and man wea letem olketa nogud wakaman for haerem grape planteison bilong hem.
CHAPTER 108
Olketa Bigman No Savve Trikim Jesus
Firstaem hem mekem olketa Pharisee stap kwaet, then olketa Sadducee, and gogo, hem mekem samfala from tufala sekson hia wea kam moa for trae trikim hem for stap kwaet tu.
CHAPTER 110
Last Day Bilong Jesus for Go Long Temple
Hem iusim example bilong widow woman wea poor tumas for teachim important samting.
CHAPTER 111
Olketa Aposol Askem Jesus for Wanfala Saen
Firstaem wea profesi bilong hem kamap tru hem long first century. Waswe, bae hem kamap tru moa long future?
CHAPTER 112
Tokpiksa Abaotem Tenfala Gele
Waswe, Jesus sei haf long olketa disaepol bilong bae garem gudfala tingting and nara haf nomoa?
CHAPTER 113
Tokpiksa Abaotem Olketa Silver Selen
Tokpiksa bilong Jesus helpem iumi for minim disfala toktok bilong hem: “Man wea garem samting bae kasem moa samting.”
CHAPTER 114
Christ Bae Judgem Olketa Sheepsheep and Olketa Goat
Jesus storyim wanfala tokpiksa wea showimaot wanem bae hem judgem pipol long hem.
CHAPTER 115
Lastfala Pasova Bilong Jesus Hem Klosap
Olketa bigman agree for peim Judas 30 silver coin for tekem olketa go long Jesus. Wanem nao datwan showimaot abaotem tingting bilong olketa?
CHAPTER 116
Jesus Wasim Leg Bilong Olketa Aposol
Hem mekem olketa aposol sapraes taem hem duim samting wea wanfala wakaman shud duim.
CHAPTER 117
Evening Kaikai Bilong Lord
Jesus startim wanfala celebration wea olketa follower bilong hem bae duim evri year long Nisan 14.
CHAPTER 118
Olketa Aposol Raoa Abaotem Hu Nao Important
Olketa aposol forgetim samting wea Jesus teachim olketa long sem evening nomoa.
CHAPTER 119
Jesus Nao Road, Truth, and Laef
Jesus teachim tru samting abaotem hao man savve go long God.
CHAPTER 120
Olketa Disaepol Mas Garem Frut and Fren Witim Jesus
Long wanem wei nao olketa disaepol bilong Jesus “garem frut”?
CHAPTER 121
“No Fraet! Mi Winim World Finis”
Olketa enemy killim Jesus dae, so why nao Bible sei Jesus winim world finis?
CHAPTER 122
Lastfala Prea Bilong Jesus Long Rum Antap
Hem showimaot klia hem duim samting wea important winim wei for sevem olketa man.
CHAPTER 123
Jesus Prea Taem Hem Barava Wari Tumas
Why nao Jesus prea olsem: “No mekem mi drink long disfala kap”? Waswe, hem hol bak for dae for olketa man?
CHAPTER 125
Olketa Tekem Jesus Go Long Annas, Then Long Caiaphas
Wei wea olketa kotem Jesus hem barava no stret.
CHAPTER 126
Peter Denyim Jesus
Nomata Peter man wea lovem God and garem faith, wanem nao mekem hem for kwiktaem lusim Jesus?
CHAPTER 127
Olketa Tekem Jesus Go Long Pilate
Olketa bigman bilong olketa Jew showimaot olketa barava laekem Jesus for dae.
CHAPTER 128
Pilate and Herod Luksavve Jesus No Guilty
Why nao Pilate sendem Jesus long Herod? Waswe, Pilate no garem paoa for judgem Jesus?
CHAPTER 129
Pilate Sei: “Man Hia Nao Ia!”
Pilate tinghae long wei wea Jesus hem kwaet and kontrolem hemseleva.
CHAPTER 130
Pilate Givim Jesus for Olketa Killim Hem Dae
Why nao Jesus talem olketa woman wea sorre and krae for no krae for hem bat for krae for olketa seleva and for pikinini bilong olketa?
CHAPTER 131
Olketa Nilam Jesus Long Post
Jesus promisim nambawan future for wanfala criminal wea hange saed long hem.
CHAPTER 132
“Barava Son Bilong God Nao Disfala Man!”
Datfala darkness long midolday, bigfala earthquake, and datfala big kaleko long temple wea brek long tufala haf pruvim Jesus hem Son bilong God.
CHAPTER 134
Jesus Hem Laef Bak!
Bihaen Jesus laef bak, hem no kam long olketa aposol bilong hem bat firstaem hem kam long wanfala woman wea hem disaepol bilong hem
CHAPTER 135
Staka Pipol Lukim Jesus wea Laef Bak
Wanem nao Jesus duim for pruvim long olketa disaepol hem laef bak?
CHAPTER 136
Jesus Kam Long Saedsea Long Galilee
Thrifala taem, Jesus talem Peter wanem hem savve duim for showimaot hem lovem hem.
CHAPTER 137
Staka Disaepol Lukim Jesus Bifor Pentecost
Bihaen Jesus laef bak bat bifor hem go ap long heven, Jesus gohed storyim samting wea olketa disaepol bae kasem and hao olketa shud iusim datwan.
CHAPTER 138
Christ Hem Long Raet Saed Bilong God
Wanem nao bae Jesus duim long heven taem hem weit for faetem olketa enemy bilong hem?
CHAPTER 139
Jesus Mekem Paradaes Kamap Moa Long Earth
Jesus garem staka waka for duim yet bifor hem givim datfala Kingdom go long God bilong hem, wea hem nao Dadi bilong hem.
Followim Example Bilong Jesus wea . . .
Jesus evritaem showimaot eitfala nambawan fasin.
Scripture Index
Iusim disfala index for faendem page long disfala buk wea storyim each verse long olketa Gospel.
Olketa Tokpiksa
Faendem chapter insaed disfala buk wea storyim each tokpiksa wea Jesus iusim.
Samfala Profesi Abaotem Messiah
Faendem olketa chapter insaed disfala buk wea storyim olketa profesi wea kamap tru long laef bilong Jesus, wea pruvim Jesus nao hem Messiah.
Olketa Ples wea Jesus Stap and Teach
Disfala map showim olketa ples wea Jesus duim ministry bilong hem.
