Rö̧ȩnä̧ ötahuiyättö pi̧jä̧ pa̧ja̧cu̧nä̧ ichätöjä, ti̧huȩnȩ pö̧nä̧ ku̧nä̧rä̧tö̧jä̧, ti̧rȩjä̧ttö̧ tö̧jö̧’i̧nä̧ i̧mi̧cu̧nä̧ huotöjä. Ja̧’hua̧nö̧ ja̧’a̧nä̧, o’ca toi’önä ji̧nä̧ yo̧mȩtȩ amöcuädö jȩpä̧tö̧jä̧. Korottöʼinä abonänö tami isoʼquinä Tö̧ä̧nä̧hua̧ Jeohuarö ucuotäcuähuä huȩnȩ ti̧jȩpa̧ pä’ätöjä, Chutä Dios I̧huȩnȩ Isä’tä U̧ru̧hua̧mä̧, o’ca juiyönä Uhuäbeʼinömä. Ja̧’hua̧ta̧nö̧ Tu̧ru̧hua̧ Jesucristo jȩi̧nö̧ ta’anö juruhuächiʼö aditätöjä. Ja̧’hua̧nö̧ ja̧’a̧ttö̧ ujuturu cristiano pättomenä juiyo esehuätöjä. Katä pö̧nä̧mä̧ ’quȩ’ȩpö̧ ku̧nä̧tö̧jä̧ korotö ttö̧ja̧rö̧ Dios I̧huȩnȩ Isä’tä jähuäʼinä, Dios Uruhuo huȩnȩ jähuäʼinä ttu̧huo̧jui̧’ö̧nä̧ ppätäda päʼö. Jeohua ötö’cö jähuä’inä, Dios Uruhuo ötö’cö jähuä’inä jitähua’attö, Testigo Jeohua pä’ö o’ähuätöjä.