Ngua Ngera Uldesuel a Dios el Kirel a Ringel el Omchelebangel?
A rebebil omdasu el kmo a Dios a diak el ues a ringel e diak lomekerreu el kirel.
MOLATK A LOLEKOI A BIBLIA
A Dios a mes e kmal omekerreu
“Ser a lesenge RUBAK el kmo a re bek el chad er a beluulchad a kmal mle dengerenger, . . . e ng mekngte rengul.”—Genesis 6:5, 6.
A Dios a mo torob a rokui el ringel
“Ngdi telkib kung, e a re dengerenger a mo dibus; ke mo osiik er tir, ngdi mo diak ke betik er tir; ngdi tirkel medemedemek a mo ungilbesrir el kiei el ngar a beluu el ungil a rengrir er a cherrungel budech.”—Psalm 37:10, 11.
Soal a Dios el kirem
“A RUBAK a kmo, ng di ngak el tang a ngar ngii a uldesuek el kiriu. Ng diak luldasu el kirel a mekngit e ng bai uldasu er a klungiaol el mourureng er ngii el kirel a ngar medad el klebesei. Isei e kom mo omekedong er ngak, e me meluluuch er ngak mak mo onger er kemiu.”—Jeremia 29:11, 12.
“Molekeed er kemiu er a Dios, me bo lekeed er kemiu.”—Jakobus 4:8.
Nglocha Dirrek el Mo Soam
CHELDEBECHELAM
Molengit er a Chad el Mo Oldingel er Kau
Mosaod a ker er a Biblia, me a lechub e mosuub a lmuut el betok el kirir a Resioning er a Jehovah.
