Kau ke ngar er a mui el taem el omesiou me a rekim a ngar er a delongelel a 23 me a 65? Ngmesisiich a bedengem e sebechem el mo mesiou er a basio el lousbech a ngeso? A lsekum a nger er kau er aika el ker a chochoi, e ngmla ta el molatk a mo apply el mora Skuul el Kirir a Rumerk er a Rengedel a Dios? Sera lekot lomuchel tia el skuul el mei er chelechang e te betok el obekel me a remesobil el odam me a odos a mla apply el mo er tia el skuul. Me nguaisei, kede ousbech er a rebetok el mesobil odam el mo apply. Molengit er a Jehovah me lekilungii a urungulem el soam el odeuir a rengul e oukerebai er a Ngelekel. (Psa 40:8; Mt 20:28; Heb 10:7) E molengeasek a ngerechelem er a tekoi er a ureor me a klechad me bo el sebechem el apply.

Ngera el rolel a omesiou a mla mo er tirke el tilobed er tia el skuul? A rebebil er tir a mlukngerachel el mo mesiou a basio el ngodech omelekoi er ngii me a lechub e te teloi er a special metropolitan public witnessing. A rebebil er tir a uriul e te mlo mesiou el substitute er a odam el oldingel a ongdibel me a lechub e te ta er a odam el oldingel a ongdibel me a lechub e te mesiou el missionari. Me chelecha el molatk aike el sebechem el meruul er a omesiungem el mora Jehovah e bo el sebechem el oba uldesuel a profet Isaia el dilu el kmo: “Ng ngak a mong! Moderchak!”​—Isa 6:8.

MOMES ER A VIDEO EL FIELD MISSIONARIES​—WORKERS IN THE HARVEST, E MONGER AIKA EL KER:

• Te mekera melilt er a remo missionari?

• Ngera el ungil ureor a longetmokl a remissionari?

• Ngera bebil klengeltengat er a omesiou el missionari?