Rusia
¡Ogi tsu gi thogi yä ntꞌu̱tsate!
Ha rä reunión anual de rä je̱ya 2019, rä ku Mark Sanderson de rä Cuerpo Gobernante de yä Testigo rä Jeoba, bi uni nꞌa rä discurso rä thuhu «¿Jabu̱ nꞌa rä tꞌo̱tꞌe näꞌä ri ꞌñehe gä tsuhu̱?». Rä ku Sanderson bi presenta nunä rä bideo habu̱ rꞌa mä kuhu̱ de rä dähni Rusia pede te mä ntꞌu̱tsate xä thogi. Yꞌo̱de te bi mängä rꞌa de nuꞌu̱ mä kuhu̱.
Nꞌa rä entrebista de rä ku Dimitri Mijáilov
Rä ku Dimitri Mijáilov bri ju̱ rä 29 de rä mäyo de rä 2019, ꞌne bri tꞌe̱ntꞌi fädi po rꞌa yä zänä. Ha nunä entrebista rä ku Dimitri pede te bi matsꞌi pa bi ze̱ti ꞌne himbi fayabi Jeoba.