Хумӕтӕг цӕветтонтӕ хӕссӕ. Киристей хузӕн минкъийӕй лӕдӕрун кӕнӕ устур, хумӕтӕгӕй ба – зинлӕдӕрӕн. Цӕмӕй дӕ цӕветтон ӕнцонлӕдӕрӕн уа, уой туххӕй ибӕл берӕ листӕг хабӕрттӕ ма ’фтауӕ. Байархайӕ, цӕмӕй игъосгутӕ раст лӕдӕронцӕ, цӕветтон теми хӕццӕ куд баст ӕй, уой.

Дӕ игъосгутӕбӕл сагъӕс кӕнӕ. Дӕ игъосгутӕ хуарз ке зонунцӕ кенӕ сӕ царди хӕццӕ баст ка ӕй, уӕхӕн цӕветтонтӕ хӕссӕ. Кӕмӕй фефсӕрми уонцӕ кенӕ сӕмӕ гъулӕг ка фӕккӕса, уӕхӕн цӕветтонтӕ ма хӕссӕ.

Сӕйраг гъудитӕ амонӕ. Цӕветтонтӕ хӕссӕ ӕрмӕстдӕр сӕйраг гъудитӕн. Байархайӕ, цӕмӕй адӕймаг айдагъ цӕветтон ма нигъгъуди кӕна, фал ма ’й цӕмӕ гӕсгӕ радзурдтай, уой дӕр.