Игъосгутӕн банхус кӕнӕ, цӕмӕй сӕ зӕрдитӕмӕ никкӕсонцӕ. Игъосгутӕмӕ, дзуапп дӕттун кӕбӕл нӕ гъӕуй ӕма син сӕ зӕрдитӕмӕ никкӕсунмӕ ка банхус кӕндзӕй, уӕхӕн фарстатӕ дӕттӕ.

Хуарз гъуддӕгтӕмӕ сӕ разӕнгард кӕнӕ. Игъосгути баразӕнгард кӕнӕ, цӕмӕй расагъӕс кӕнонцӕ, хуарз гъуддӕгтӕ цӕмӕн кӕнунцӕ, уобӕл. Гъӕуама сӕ разӕнгард кӕна, Йегови, адӕни ӕма Библи ке уарзунцӕ, е. Зунд син ма амонӕ, фал син лӕдӕрун кӕнӕ, Библий хуарз унаффитӕ ке ес. Гъӕуама сӕмӕ уотӕ ма кӕса, ӕма сӕ фудгин кӕнис, фал сӕ бафедар кӕнӕ, цӕмӕй сӕ дӕ радзубандий фӕсте ӕгас хъауритӕй архайун бафӕндӕуа.

Игъосгути ӕргом Йеговӕмӕ ӕздахӕ. Лӕдӕрун син кӕнӕ, Библий ахурӕдтӕй, уагӕвӕрдтӕй ӕма амундтӕй Хуцауи менеугутӕ ӕма нӕ ке уарзуй, е куд зиннуй. Ӕнхус син кӕнӕ, цӕмӕй сӕ фӕндӕуа Йегови зӕрдӕ рохс кӕнун.