ГЪӔУАЙГӔНӔН МӔСУГ № 1 2018 | Библий унаффитӕ абони дӕр пайда ’нцӕ?
Библий унаффитӕ абони дӕр пайда ’нцӕ?
Техникӕ размӕ ке рацудӕй, уой фӕрци абони алли фарстай фӕдбӕл дӕр хъӕбӕр берӕ информаци ес, удта ӕнцон иссерӕн ӕй. Уомӕ гӕсгӕ, ӕвӕдзи, расагъӕс кӕндзӕнӕ, Библий хузӕн рагон киунугӕ ма абони адӕймагӕн ести пайда ӕй ӕви нӕ. Фал Библий финст ес:
«Финстадӕ ӕнӕгъӕнӕйдӕр ӕй Хуцауи разамундӕй финст ӕма пайда ӕй» (2 Тимофеймӕ 3:16).
Аци брошюри дзурд цӕуй, Библий унаффитӕ царди ӕцӕгӕйдӕр пайда ’нцӕ ӕви нӕ, уобӕл.
Библий унаффитӕ абони дӕр пайда ’нцӕ?
Кӕд алли минут дӕр уойбӕрцӕ нӕуӕг информаци фӕззиннуй, уӕд ма Библи,– 2 000 анзи размӕ финст ка ’рцудӕй, еци киунугӕ,– кӕсун цӕмӕн гъӕуй?
Библий унаффитӕбӕл рӕстӕги барӕ нӕ цӕуй
Наукӕ размӕ куд цӕуй, уотӕ бӕлвурддӕр кӕнуй, Библий ци унаффитӕ финст ес, етӕ пайда ке ’нцӕ ӕма сӕбӕл рӕстӕги барӕ ке нӕ цӕуй.
Фӕстегӕй байзадӕй ӕви фӕрраздӕр ӕй?
Библи наукон киунугӕ нӕй, фал си науки хӕццӕ баст ка ӕй, еци хабӕрттӕ ба дӕ, ӕвӕдзи, деси бафтаудзӕнцӕ.
1 Ӕнхус нин кӕнуй нӕхе зиндзийнӕдтӕй гъӕуай кӕнун
Бакӕсӕ, Библий унаффитӕ беретӕн куд банхус кодтонцӕ, цӕмӕй сӕхе устур бӕллӕхтӕй багъӕуай кодтайуонцӕ, уой туххӕй.
2 Ӕнхус нин кӕнуй зиндзийнӕдти сӕрти хезун
Библий унаффитӕ нин банхус кӕндзӕнцӕ, цӕхуӕндӕр зундахаст кенӕ менеугутӕ нӕ уодигъӕди ку ниффедар уонцӕ ӕма нӕ ӕнӕмӕтӕй цӕрун ку нӕ уадзонцӕ, зӕгъӕн, ӕгӕр ку мӕтӕ кӕнӕн, естӕбӕл абони-исон ку кӕнӕн ӕма нӕмӕ уотӕ ку кӕса, цума неке гъӕуӕн.
3 Ӕнхус нин кӕнуй, раййевӕн ке нӕййес, еци уавӕртӕн бухсун
Цума ци ес бакӕнӕн, нӕ барӕ кӕбӕл нӕ цӕуй, еци уавӕрти, зӕгъӕн, зиан нӕбӕл ку ’рцӕуй кенӕ уӕззау незӕй ку фӕссӕйгӕ уӕн, уӕд?
Библи ӕма дӕ федӕн
Хуцауи Дзурд нин ӕнхус кӕнуй, аци дуйней бонӕй-бонмӕ ци зиндзийнӕдтӕбӕл исӕмбӕлӕн, уони сӕрти хезун. Уомӕй уӕлдай ма нин Библи ирдӕй ӕвдесуй, разӕй нӕмӕ ци дессаги федӕн ӕнгъӕлмӕ кӕсуй, уой.
Куд дӕмӕ кӕсуй?
Бакӕсӕ, аци фарстати фӕдбӕл еуӕй-еуетӕ ци гъуди кӕнунцӕ ӕма Библи ци зӕгъуй, уой туххӕй.
