Gyisɛse Anwo Edwɛkpa Ne
Sukoa Gyisɛse Kelaese, Nyamenle Ara ne nee alesama Ngoanedievolɛ ne anwo debie mɔɔ yɛ anyelielɛ la wɔ vidio ɛhye mɔɔ bara adoɔdoa zo la anu.
Gyisɛse Anwo Edwɛkpa Ne—Vidio Ne Mɔ Anwo Edwɛkɛ
Nea Gyisɛse Kelaese anwo vidio ngakyile mɔɔ ɔmaa yɛte Edwɛkpa mbuluku ne mɔ abo kpalɛ la.
Vidio 1: Ewiade Ne Kɛnlaneɛ
Kɛ ɔkɛyɛ na bɛalie alesama bɛavi ɛtane mɔɔ bɛnyianle bɛvile Adam ɛkɛ la abo ɛ? Mɛzaya ne angomekye a le alesama anyelazo a.
Vidio 2: “Ɛhye A Le Me Ra”
Dwɔn Sɔnevolɛ ne siezie adenle nu maa Mɛzaya ne. Nea nwanwane debie mɔɔ zile wɔ mekɛ mɔɔ Gyisɛse bɔ ye ɛzonlenlɛ gyima ne abo wɔ azɛlɛ ye azo la!
Vidio 3: “Medame Ɔ”
Gyisɛse lale ɔ nwo ali kɛ Mɛzaya hilele Nekɔdimɛse, Samɛleanli raalɛ bie yɛɛ menli mɔɔ wɔ Nazalɛte la, noko menli ekyi bie mɔɔ bɛlɛ ahonle kpalɛ la a liele ye dole nu a. Mɔɔ ɔyɛle nwanwane debie bie ɔwiele la, ɔdole ɛsalɛ ɔvɛlɛle fɛlɛkyevoma bie mɔ mɔɔ bɛlɛ bɛ nwo aze la kɛ bɛdoa ye.
Vidio 4: “Ɛhye Ati A Membale A”
Gyisɛse yɛle menli ayile na ɔdule sunsum ɛtane ɔvale ɔhilele kɛ ɔlɛ tumi. Noko bie mɔ dendɛle tiale ye na ɛnee bɛkpondɛ kɛ bɛku ye. Kɛ mɔɔ ɛnee Gyisɛse lɛ ahunluyelɛyelalɛ kpole na ɔze kilehile kpalɛ la ati, ɔnyianle ɛzoanvolɛma 12 yɛɛ ɛdoavolɛma dɔɔnwo.
Vidio 5: “Ye Ngilehilelɛ Ne Zinli Bɛ Nwo”
Mɔɔ Gyisɛse yɛle menli dɔɔnwo bie ayile wiele la, ɔbɔle ɔ bo ɔhilehilele bɛ na ɛnee bɛ kilehilevolɛma ne ɛtɛkilehilele bɛ zɛhae ɛlɛ. Tumi mɔɔ ɔvale ɔhilehilele, ndonwo mɔɔ ɔvale ɔlile gyima yɛɛ kɛzi ɛnee ye ngilehilelɛ ne fale bɛ nwo la zinli bɛ nwo.
Vidio 6: “Wɔmɔ A Ɛle Ahenle Mɔɔ Ɛlɛba La Ɔ?”
Gyisɛse hilele kɛ ɔlɛ tumi ɔtunwue mowuamra. Nwanwane ninyɛne mɔɔ ɔyɛle nee kɛzi ɔhilehilele la maanle mɔɔ wɔ ye tievolɛma ahonle nu la lale ali. Gyisɛse luale ndonwo zo hilehilele Belemgbunlililɛ ne anwo ninyɛne dɔɔnwo.
Gyisɛse Anwo Edwɛkpa Ne—Vidio Ne Mɔ Foa Bie
Nea vidio ngɛnlɛma ɛhye mɔ mɔɔ maa yɛte Edwɛkpa mbuluku ne mɔ abo kpalɛ la foa bie.
