Wiˈixë Jesus jyukyˈajty ets ojts kyäjpxwaˈkxy
Mä kanäägë yäˈädë bideo, ixyˈat niˈigyë Jesukristë, ja Diosë yˈUˈunk ets mëdiˈibë yajnitsokypy ja naxwinyëdë jäˈäy.
Myëduˈuk pëky: Jesús yëˈë duˈun kudëˈkx kujäjp yä Naxwiiny
Ja Diosë yˈUˈunk yëˈëyë nety mbäät dyaˈˈawäˈätspëtsëmy ja naxwinyëdë jäˈäy mä ja poky mëdiˈibë Adán tukmëmëwëˈëmëdë.
Myëmajtskpë bideo: “Yëˈëtsënë yäˈädë nˈUˈunk”
Juan Yajnëbajtpë dyaˈˈawäˈätsy ja nyëˈë tyuˈujë Mesías. Ix tijatyë Jesús tyuun ko dyajtsondaky ja Tyeetyë tyuunk yä naxwiiny.
Myëdëgëëkpë bideo: “Ëjtsë duˈun”
Jesús nimayë jäˈäy ttukˈawanë ko yëˈëjën ja Mesías: ja Nicodemo, ja samaritanë toˈoxytyëjk ets ja jäˈäyëty mëdiˈibë Nazaret. Perë niwaanë jäˈäyëty mëdiˈibë myëbëjktë. Ko Jesús ttuundääy ja miläägrë mëdiˈibë jäˈäy yajmonyˈijx yajmonyjyäˈäwëdë, ta net tˈanëmääy ja äjkxmäjtspëty ets pyanëjkxëdët.
Myëmäjtaxkpë bideo: “Päätykyëjxmëts të nminy”
Jesús dyajnigëxëˈëky ja myëkˈäjtën ko dyajtsoˈogyë päˈämjäˈäyëty ets pënatyë kaˈoybyë të tyuktëkëdë. Mayë jäˈäy tˈaxëëkˈixtë mëdiˈibë tyuumbyë Jesús ets tˈëxtäˈäytyë winmäˈäny wiˈix tˈokˈyaˈooktët. Per yëˈë, niˈigyë dyajnigëxëˈëgyë paˈˈayoˈow nasˈayoˈowën, tsuj yajxon tyukniˈˈixë, dyajnimayë ja yˈëxpëjkpëty ets twinˈixy ja nimäjmajtskpë yˈapostëlëty.
Myëmëgoxkpë bideo: Mëjˈixy mëjmëdoy tjäˈäwëdë wiˈixën yaˈëxpëky
Ko Jesús dyajtsoky dyaˈˈagëdaky may ja päˈämjäˈäyëty, ta tyëjkë yaˈëxpëjkpë ixtëm nipënnëmë nety duˈun kyayaˈëxpëky. Yajtuunë ijxpajtën parë ja jäˈäy tjaygyukëdët tijaty nyimaytyakypy ets wiˈix mbäät dyajtundë mä jyukyˈäjtën. Pääty ja jäˈäy mëjˈixy mëjmëdoy tjäˈäwëdë ixtëm yaˈëxpëky.
