Nëjkx parë xyʼixët diʼib tmëminy

2024

Yajjamyatsäˈänyë Jesusë yˈoˈkën xëëw

¿Wiˈix xytyukˈoyˈatäˈäny ko Jesus ojts mguˈoogëty? ¿Mbäät dyaˈoyë mjukyˈäjtën?

Nwoowdëp mäts nduˈukmukäˈändë majtskˈok:

  • Nyaxäˈänyë diskursë espesial “¡Ja oˈkën kyaj nyekymyadäˈägäˈäny ko ja oˈkpë jyukypyëktët!”

  • Yajjamyatsäˈänyë Jesusë yˈoˈkën xëëw

Yajjamyetsyë Jesusë yˈoˈkën xëëw

Domingë 24 äämbë marsë 2024

Jëmëjt jëmëjtë Jyobaa tyestiigëty tyuˈukmuktë parë tjamyatstë Jesusë yˈoˈkën xëëw extëm ojts tniˈanaˈamë ko jyënany: “Tundë dëˈën esëts xyjamyatstët” (Lukʉs 22:19).

Mä mbäät mnëjkxy parë xyjyamyatsëdë Jesusë yˈoˈkën xëëw

DISKURSË ESPESIAL

“¡Ja oˈkën kyaj nyekymyadäˈägäˈäny ko ja oˈkpë jyukypyëktët!”

Duˈun txëwˈatäˈänyë yäˈädë diskursë mëdiˈibë naxäämp mä nety ttimpatnë parë yajjamyatsäˈänyë Jesusë yˈoˈkën xëëw, mbäät nyaxy sääbëdë o domingë. Ja mëdiˈibë yajnaxaampy ja diskursë, nyimaytyäˈägaampy wiˈix mbäät xytyukˈoyˈaty mëdë mfamilyë ko xyˈëwxit xyjyëjpˈixtët ja oˈkpë jyukypyëkäˈändë.

Waˈan xynyijawëyaˈany

¿Nuˈun jyeky?

Naa tuk oorën.

¿Mä tyuˈukmukäˈändë?

Yajtëwë Jyobaa tyestiigëty parë xynyijawët mä tyuˈukmukäˈändë.

¿Yaˈˈajuytyujkp parë jap mnëjkxët?

Kyaj.

¿Yaˈˈamdoobë meeny sentääbë?

Kyaj. Jyobaa tyestiigëty kyaj tˈamdowdë meeny sentääbë.

¿Yajnigäjpxp wiˈix mbäät mnaywyit mnayxyoxyëty?

Kyaj yajnigajpxy, perë Jyobaa tyestiigëty tyuundëbë mëjääw parë nyaywyit nyayxyoxëdë adëyë ets tsuj yajxon extëmë Biiblyë tniˈanaˈamë (1 Timotee 2:9). Kyaj tyim tsokyëty xymyënëjkxëdë witë tsooxëbë o mnëjkxët jantsy oytyuny.

¿Ti yajtuump mä yajjamyetsyë Jesusë yˈoˈkën xëëw?

Ko tsyondaˈaky ets ko jyëjpkëxy, tats nˈëwdë ets ta nyuˈkxtaˈaky tuˈugë Jyobaa tyestiigë. Ta net yajnimaytyaˈaky tiko jyëjpˈamëty ko Jesus ojts xykyuˈoˈkëm ets wiˈix ndukˈoyˈäjtëm tijaty të xytyukmëduˈunëm mëdë Tyeety.

¿Näˈäjaty yajjamyatsäˈänyë Jesusë yˈoˈkën xëëw mä jëmëjt myiny kyëdaˈaky?

2024: domingë 24 äämbë marsë.

2025: sääbëdë 12 äämbë abril.

2026: jueebës 2 äämbë abril.

Pën mˈaknijawëyaampy käjpxë yäˈädë artikulo “¿Tiko Jyobaa tyestiigëty kyaj duˈun tjamyatstë Jesusë yˈoˈkën xëëw extëmë wiinkpë relijyonk?”.

Parë niˈigyë xynyijawët, ixë yäˈädë majtskpë bideo.

Nˈokjamyajtsëmë Jesusë yˈoˈkën xëë

Nijawë tijaty kunuˈkxënë nˈaxäjëyäˈänëm ko Jesus ojts xykyuˈoˈkëm.

¿Tiko yˈoˈkyë Jesus?

Waˈan mijts të xyˈokmëdoobë ko Jesus yëˈë ojts tkuˈoogë nbokyˈäjt ngaytyeyˈäjtëm. Per ¿mbäädëdaa miyonkˈamë jäˈäy tjantsy tyukˈoyˈattë ko yˈoˈky?

Mbäät xyajjënakyë yäˈädë inbitasyonk ets xyajpëtsëmëdë kopyë.