U kuxtal yéetel u kaʼansaj Jesús
Le videoaʼ yaan u kaʼansiktech u maasil yoʼolal Jesús, u Hijo Dios, le máax salvartik wíinikoʼ.
U kuxtal yéetel u kaʼansaj Jesús | Guía utiaʼal a séeb kaxtik le videoʼoboʼ
Le serieʼob yoʼolal u kuxtal Jesúsoʼ ku yáantkech a maas naʼat baʼax ku yaʼalik le Evangelioʼoboʼ.
Video 1: U sáasilil le yóokʼol kaaboʼ
Chéen le Mesías jeʼel u salvarkoʼon tiʼ le kʼeban máansaʼabtoʼon tumen Adánoʼ.
Video 2: «Lelaʼ in Hijo»
Teʼ videoaʼ yaan a wilkeʼ Juan Bautistaeʼ tu listokíintaj le bej utiaʼal le Mesíasoʼ. Ilawil le jatsʼuts baʼaloʼob tu beetaj Jesús le ka tu káajsaj le meyaj kʼubéentaʼantiʼ way Luʼumeʼ
Video 3: «Teen le máax ka waʼalikoʼ»
Jesúseʼ ku yaʼalik tiʼ Nicodemo, tiʼ juntúul koʼolel samaritana, tiʼ le máakoʼob kajaʼanoʼob Nazaretoʼ bey xan tiʼ uláakʼ máakoʼob de ke letiʼ le Mesíasoʼ. Pero chéen le máaxoʼob uts u puksiʼikʼaloʼob tu creertoʼob le baʼax tu yaʼalaj Jesúsoʼ. Ka tsʼoʼok u beetik junpʼéel milagroeʼ tu yaʼalaj tiʼ kaʼatúul chuk kayoʼob ka u tsaypachtoʼob.
Video 4: «Letiʼe baʼax taalen in beetoʼ»
Jesúseʼ ku yeʼesik bukaʼaj poder yaantiʼ, ku tsʼakik le máakoʼoboʼ yéetel ku jóoʼsik demonioʼob tu wíinklil le máakoʼoboʼ. Jujuntúul máakoʼobeʼ maʼ de acuerdoʼob yéetel le baʼax ku beetkoʼ leʼ oʼolal ku chʼaʼtuklikoʼob u kíimskoʼob. Jesúseʼ ku yeʼesik chʼaʼ óotsilil, jach maʼalob u kaʼansaj, ku yaʼabtal u discípuloʼob yéetel ku yéeyik u 12 apóstoloʼob.
Video 5: «Pʼáat jaajap u chiʼob yoʼolal bix u kaʼansaj»
Ka tsʼoʼok u tsʼakik yaʼab máakoʼobeʼ Jesúseʼ káaj u kaʼansik le máakoʼob jeʼex mix juntéen yáax beetaʼakoʼ. Kéen kaʼansajnakeʼ ku beetik yéetel autoridad, ku usartik ejemploʼob yéetel ku tsoliktiʼob bix jeʼel u tsʼáaik ichil u kuxtaloʼobeʼ. Le máaxoʼob uʼuyik u kaʼansajoʼ ku pʼáatal jaajap u chiʼob.
Video 6: «¿Teech wa le máax aʼalaʼan kun taaloʼ?»
Jesúseʼ ku yeʼesik yaan páajtalil tiʼ utiaʼal u kaʼa kuxkíintik le kimenoʼoboʼ. Le milagroʼob ku beetik yéetel le baʼaxoʼob ku kaʼansikoʼ ku yeʼesik baʼax yaan tu puksiʼikʼal le máaxoʼob chʼenxikintikoʼ. Tsʼoʼoleʼ u usartik ejemploʼob utiaʼal u kaʼansaj yoʼolal u Reino Dios.
Junxóotʼ tiʼ le drama: U kuxtal yéetel u kaʼansaj Jesús
Chaʼant junxóotʼ tiʼ le jaats videoʼob áantkoʼon naʼat le tsikbaloʼob yaan teʼ Evangelioʼoboʼ.
