Mahungu nya yadi maningano khu Jesu
Hevbula simbe maningano khu Jesu Kristo, gyanana gya Nungungulu ni Muvbulugise nya vathu, avba nya sipandre sesi nyo tsakise nya dzivhidyu.
Gipandre 1: Guwonegeya nya lisine nya litigo
Vathu va di hadzi vbulugiswa kharini ga gighoho va nga thapedziswa khu Adhamu? Mesiya khuye basi a nga hadzi si kodza gu gira isoso.
Gipandre 2: “Egi Gyanana gyangu”
Johane Mubhabhatisi a dongiseleya ndziya Mesiya. Wona sigiro nyo hlamadzise si yeyedzago maphelelo nya thumo wa Jesu mafuni!
Gipandre 3: “Kheni oyu”
Jesu a tivegisa thumo waye nya wu Mesiya ga Nikodhemo, ga nyamayi nya Musamariya ni ga vavbanyi va Nazareta, ganiolu vathu nyo khaguri va nga khodwa gwaye. Hwane nya gu gire gilewugiso nyo khaguri gi nga vbindrugedza womi waye, uye a di kovidhari vagogi nya dzindzandzi nya gu dzi nogise gasi va mu landreya.
Gipandre 4: “Khiso nyi nga si teya”
Jesu a gu yeyedza tshivba yaye gasi gu hawulugisa vathu ni gu tutumisa madhemoni. Ganiolu vambe kha va tsakiswi khu thumo waye nigu va gu zama gu mu songa. Khu lihaladzo ni guti, Jesu giride vapizane a bwe a hatha 12 vapostoli.
Gipandre 5: “Gitshungu gi di hlamala khu mahevbudzelo yaye”
Hwane nya gu hawulugisi vathu nya vangi, Jesu a di pheya gu hevbudza khu ndziya nya gu vambe vahevbudzi va di nga si hevbudzi khiyo. Ndziya eyi Jesu a nga ba a hevbudza khiyo yi ngu hi hlamadzisa.
Gipandre 6: “Ina khuwe wule a Tago?”
Jesu a gu yeyedza tshivba a gu nayo nya gu wusi ava vafudego. Silewugiso saye ni sihevbudzo saye sa gu yeyedza sighelo sa vale va mu engiseyago. Jesu tshamusede maningano khu Mufumo khu gu thumisa silewugiso.
