Wɛlɛɛ lɛlɛɛɠaa yii vilɛnŋaa Zesu ɓa
Mɛni tamaa maakwɛli vidio ɲaanɛɛɠaa ŋɛi gee pulu tamaa di hu, yɛ hwilɛn na Zesu ɓa, yai gaa a Yálá Lon ə lɛɛ nukanŋaa nwun maaɓomun.
Ɉeegbəlina 1 : Kɛɛ pono kpɔ-kpɔ yii pa yɛnɛɛ
Nɛŋɛn ŋɛi Adamə ə gɛ ə hwilɛn nukanŋaa pulu di nwun maa a pɛli ɓoi ləi ɲəi ? Kriste yaa tɔnɔ gbən ɓə gaa a nukanŋaa di wɔ kilitɔɔmaalaa.
Ɉeegbəlin na 2 naa : “ Nui ŋɛi kaa a nííɓa lon ”
Ɉaan batisə kaa nwun maaɓomun ŋɔ pələi tɔwɔ pɛlii. Kwəi pili maa mɛniɠaa kaa diɛi tɛɛ ɓɛlowai Zesu ə ŋɔ Yálái kólói kɔwɔtɔɔ la lɔi mɛi !
Ɉeebgəlin na 3 naa : “ Ɲáá ɓə ”
Zesu ə nɛ Nikodɛmə ɓa yɛ ma ya ɓə gaa a nui Yálá ə ɉəɠə ɉu, ə ma kɛ a Samari nui, ə lɛɛ da Nazarɛtə nua, kəlaa nuai kɛ di təlimoɔ diɛ lɔ ɓə di yee mu. Kpalo mɛni ta kɛɛ pulu ɲəi yii a nua di wɔ yɛnɛɛ maahwalən, ə mo hɔwɔlee kpɛnua diɛ yɛ ma di hwilɛn bulu.
Ɉeegbəlin na 4 naa : “ Mɛnii ŋí paa la yaa li ”
Zesu ə ŋɔ hwaŋalaa lɛ yɛ nuai kɔlɔipono ə lɛɛ yɛ ɲinɛŋaa kpɛ. Kəlaa ŋɔ kólói tii naawɛli ho kɛ nutaɠaa diɛ, ə lɛɛ di kɛi ɓaa pələ kwɛli. Pələi ə kɛi nua ɲɛimaawɛli kaa, da a ŋɔ kalan neai, ə lɛɛ ə nu 12 həɠə ɉu a ŋɔ apotɛlɛɠaa.
Ɉeegbəlin na 5 naa : Di “ kwəi ə pili diɛ a Zesu ŋɔ kalan gɛ pələ ”
Zesu ə nukpulu kɛnɛ kɔlɔipono, ə gɔwɔtɔɔ yɛ di kalan, yii nuta ho kɛ yili ɲɔnwɔn ma gɛ li. Maalaa kɛ ɲəi, da gɔɔmaaɠaai ə kɛi ɉəɠə da pələi di kɛi bɔ tuwɔ ɓo pələ kaa la yɛnɛɛ yii bo pələ hu holo kəlee. Yili ə kɛi nua kwəi pili diɛ.
Ɉeegbəlin na 6 naa : “ Nui gaa pai ya ɓaa yɛ́ ?”
Zesu kaa ŋɔ hwaŋalaa kulɔi ponoŋa yɛ, haaɓəlaa nwun. Gbalo mɛniɠaa ə kɛi gɛ da ŋɔ kalan gɛ pələ a kili mɛni, Nuai kɛi di wəlitɔɔ ma ə kɛi di túwɔ́ pələ lɛ. Zesu ə kɛi Yálá ŋɔ Tɔɔlaa maamɛni hukulɔ a kɔɔmaaɠaa.
