Beɗea Bia Jesusba Jaraɗa
Naarã video ɓeeɗe, Jesús Dachi Akõre warr ichiaburu karebabarii niiɗebena maucha kawas.
Beɗea Bia Jesusba Jaraɗa. Videorã ochiai baita
Ochiaba cha naarã videorãɗeeba joma chi Bibliaba jara ɓuu Jesusɗebena.
Video 1: Mau nau iujãaɗe ʉ̃ɗaa kĩra nii
Adanba kachirua aseɗa baɗaɗeeba joma ẽbẽrarã pekao bara nuree, ¿saka Dachi Akõreba karebaiba? Mesiasɗéburu ẽbẽrarã karebakuayua.
Video 2: “Cha niiturua mʉ warr”
Juan chi bautizabariiba ẽbẽrarãmaa jaradeasii Mesías neei ʉ̃rʉbena. Ochiaba, kãare biʼia ɓee pasaɗa baɗa Jesusba nau iujãaɗe jaradeɗeka koɓeesiiɗe.
Video 3: “Mau mʉʉbʉ”
Jesusba Nicodemomaa, wẽra Samariaɗebenamaa, mauɗe ẽbẽrarã puuru Nazaret abadauɗebenamaa jaraɗa baɗa ichi Mesías niiɗebena, maka ɓumina ẽbẽra sõ biʼia kirureeburu ijãasiɗaa. Milagro aseɗakare mukĩra ɓeda jidaubadaurãmaa mʉ kaaɗe nébaɗa aɗa baɗa
Video 4: “Jãuɗéburu mʉ neesii”
Jesusba ichi poderɗeeba chi ẽpermo keɗee anibiapeɗa mauɗe chi jai kachirua nuree duabʉisii. Chi ɓeeba ichi iadaaɗapeɗa beayua jʉrʉɗe wãbachiɗau. Jesusba ẽbẽrarã kĩra chuburiapeɗa mauɗe biʼia ãchimaa jaradea nibasii. Jesusba chi ẽbẽrarã ichi kaaɗe nureabibachii maabee jʉrʉ adausma chi 12 apostolerã.
Video 5: “Biʼia jaradeasii bẽe joma dau urua diɗisiɗau”
Ẽbẽra aribiaurã Jesusba alẽtabiasiiɗe, jaradeɗakaɗe wã ɓoosii chi ẽbẽrarãmaa, chi jaradeabadaurãba mau tiempoɗebena jãka kawabiɗaka basia. Jesusbara jipa berreapeɗa ejemploɗéburu jaradeasii chi ãchia unusiɗauɗebena biʼia kawabiai baita.
Video 6: “¿Bichi chi neei ɓuaɗaka?”
Jesusba chi biuɗapeɗaaɗa piradruɗa baɗa, maka asesiiba ichi poder unubisii. Ichia chi milagro aseɗaɗeeba mauɗe chi ichia jaradeasiiba chi ũribadaurãba unubibachiɗau chi ãchia kʉ̃risiabachiɗauɗebena. Dachi Akõre Gobiernoɗebena kawabiayua ejemploɗéburu jaradeasii.
Beɗea Bia Jesusba Jaraɗa. Video ɓaʼãra
Chi video ɓaʼãra Jesusba aseɗa baɗaɗebena ochiase.
