EPISODE 3
“Amah Chu Ka Ni”
(A rei zâwng 39:40)
Isua chuan Nikodema te, Samari hmeichhia te, leh Nazaret mite a zirtîr a; mahse, chhân lêtna inang lo tak tak a dawng. He episode-ah hian a hnuaia thute hi a chuang a ni:
Isua’n Nikodema hnênah tuiah leh thlarau aṭanga pianna chungchâng a hrilhfiah (Johana 3:1-13)
Thlalêra rûl khai kân a nih angin mihring Fapa pawh khai kânin a awm ang (Johana 3:14, 15)
Pathianin a Fapa mal neih chhun chu khawvêl rorêlsak tûr ni lovin, chhandam tûr zâwkin a tîr (Johana 3:16-21)
Isua chungchânga Johana thuhriattîrna hnuhnûng ber (Johana 3:22-30)
Chung lam aṭanga lo chhuk Fapa chunga rinna lantîrtu chuan chatuana nunna a nei ang (Johana 3:31-36)
Johana lung inah a tâng (Marka 6:17-20; Matthaia 4:12; 14:3-5; Luka 3:19, 20)
Isua chu a kal hah avângin Samari ram, Sukar khuaa Jakoba tuichhunchhuah bulah a châwl (Johana 4:1-6)
Isua’n Samari hmeichhia chu a be ṭan (Johana 4:7-15)
Isua’n Samari hmeichhia chu biakna dik chungchâng a zirtîr (Johana 4:16-24)
Isua’n Samari hmeichhia chu Messia a nih thu a hrilh (Johana 4:25, 26)
Samari hmeichhia chuan mi dangte a hrilh chhâwng (Johana 4:27-30)
Isua’n Pathian duh zâwng tih chu chaw nên a tehkhin; thlarau lam buh seng hna chungchâng a sawi (Johana 4:31-38)
Samari mi tam takin Isua chu “khawvêl chhandamtu” a ni tih an ring (Johana 4:39-42)
Galili ramah Isua’n thu a hril ṭan (Johana 4:43-45; Marka 1:14, 15; Matthaia 4:17; Luka 4:14, 15)
Isua’n Galili ram, Kana khuaah lal upa fapa a tidam (Johana 4:46-54)
Isua chu Nazaret khuaah hnâwl a ni (Luka 4:16-30)
Isua chu Kapernaum khuaah a kal (Matthaia 4:13-16)
Thilmak hmanga sangha manna; zirtîr hmasate koh khâwmna (Luka 5:1-11; Matthaia 4:18-22; Marka 1:16-20)
