Isua Thih Hriatrengna
Thawhṭan, March 22, 2027
Jehova Thuhretute chuan kum tinin vawi khat Isua thih hriatrengna chu ama thupêk angin urhsûn takin an hmang ṭhîn: “Mi hriat reng nân hei hi ti ṭhîn rawh u.”—Luka 22:19.
In chhûngkuaa lo tel tûrin kan sâwm a che u.
Zawh Fo Ṭhin Zawhnate
Tute nge lo tel thei?
Mi tin tel theih a ni a. I ṭhian emaw, chhûngte emaw chu sâwm hreh suh.
He inkhâwm hi engtia rei nge ni dâwn?
Dârkâr khat vêla rei a ni ang.
Khawi hmunah nge neih a nih dâwn?
Tualchhûnga neihna hmun tûr hriat nân Jehova Thuhretute be pawh rawh.
Luh man chawi a ngai ang em?
Ngai lo vang.
Thawhlâwm khawn a awm ang em?
Awm lo vang. Jehova Thuhretute chuan an inkhâwmnaah thawhlâwm an khawn ngai lo.—Matthaia 10:8.
Inthuam dân bîk a awm em?
Awm lo. Mahse, Jehova Thuhretute chuan he hun pawimawh tak atâna zahna lantîr zâwnga inthuam chu an duh a ni.
Hriatrengna inkhâwm chu engtia hman nge a nih dâwn?
Isua thihna a pawimawh dân leh Pathian leh Krista’n kan tâna min tihsakte kan hlâwkpui theih dân chungchânga mi ti chak thei tak thusawi ngaihthlâk a ni ang a. Inkhâwm chu hla sak leh ṭawngṭainaa ṭan leh tih tâwp a ni ang.
Hriat belh nân, he thuziak “Engvângin Nge Jehova Thuhretute Lalpa Zanriah Hman Dân Chu Kohhran Dangte Hman Dân Nên A Inan Loh?” tih hi en rawh.
Hriatrengna chu engtikahte nge hman a la nih zêl dâwn?
2027: Thawhṭan, March 22
2028: Chawlhni, April 9
2029: Nilaithawhṭan, March 29
You May Also Like
HRIATRENGNA
Isua Thihna Hre Reng Rawh
He hun pawimawh taka lo tel ve tûrin kan sâwm a che. Isua nunna leh thihna i hlâwkpui theih dân i hria ang.
BIBLE ZIRTIRNA PAWIMAWHTE
Engvângin Nge Isua A Thih?
Kan sual tâna thi a ni tih i lo hre tawh ṭhîn ang a. Mahse, mi pakhat thihna chu mi maktaduai tam takin an hlâwkpui thei ang em?
THU DANGTE
Isua Inthâwina Chu Hlâwkpui Rawh
Isua chuan a thihna hlâwkpui tûra kan tih ngai eng thil pawimawh pahnih nge min zirtîr?
