Satanasi uhanda ulipake moumbanda. Ovanthu ovanyingi valinga ovilikutila pala ovanthu vokuankhia, opo veveamene kovitateka. Ovo valinga otyo mokonda vena ouoma novanthu vokuankhia. Tupu vavala omivia novinunga vioumbanda. Vanua nokuliuaveka ovihemba pala okuliamena kouanga. Ovanthu vamue vaholeka monondyuo mbavo ovipuka vioumbanda ine okuviheyela pohi. Ovo vasoka okuti ovipuka ovio vipondola okuveamena. Ovakuavo vaundapesa ovihemba vioumbanda mokonda vasoka okuti mavivekuatesako kovitanda. Tupu vasoka okuti ovihemba ovio vipondola okuvekuatesako kosikola, no pokulipola konomphunga.

Kala epanga lia Yehova opo ekuamene ku Satanasi. Yehova Huku nonoandyu mbae vena vali epondolo, tyipona Satanasi nonoandyu mbae onombi. (Tiago 2:19; Revelação 12:9) Yehova uundapesa epondolo liae pala okukuatesako omapanga ae.—2 Crônicas 16:9.

Ombimbiliya yati: “Muhelipakei moumbanda.” Yehova wati oumbanda nouanga ovituwa vimue ovivi. Inkha ulinga ovipuka ovio ukahi nokutuminua na Satanasi Eliapu.—Levítico 19:26.