Satanasi uhongiliya ovanthu okulinga ovipuka ovivi. Omunthu wokuahanda okukala epanga lia Huku, una yokuyala etyi Yehova eyele. (Salmo 97:10) Pahe matutale ovipuka vimue omapanga a Huku ena yokulityilika:

Ovipengi konthele yotyinepo. Omulume ine omukai wokuanepa una yokulityilika oumbalehi. (Êxodo 20:14) Otyivi omulume okulangalapo nomukai tyihelinepele. Tupu nomukai kapondola okulangalapo nomulume avehelinepele.—1 Coríntios 6:18.

Ounkholue. “Ononkholua kambukapiñgana Ouhamba wa Huku.”—1 Coríntios 6:10.

Okuipaa, no kupolapo eimo. “Kupondola okuipaa.”—Êxodo 20:13.

Okuvaka. “Huku wati uhavake.”—Êxodo 20:15.

Ounkhembi. Yehova uyele “ounkhembi.”—Provérbios 6:17.

 Oungangala no nyengo onene. “[Yehova] uyele omunthu wokuhole oungangala.” (Salmo 11:5) ‘Movilinga violutu [muakutikinya] onyengo onene.’—Gálatas 5:19, 20.

Okuyumba omauela onombongo. ‘Lityilika okuenda nomunthu wotyipululu.’—1 Coríntios 5:11.

Okuliyala pokati komihoko nomalaka. “Tualako nokukala nohole nonondyale mbove, nokulingilako omalikuambelo vana vekumonesa emone.”—Mateus 5:43, 44.

Ovipuka Huku etupopila opala ouwa wetu. Katyapepukile okulityilika kokulinga ovipuka ovivi. Yehova Nonombangi mbae, vapondola okukukuatesako opo ulityilike kokulinga ovipuka vinumaneka Huku.—Isaías 48:17; Filipenses 4:13; Hebreus 10:24, 25.