Tʼáá níléídę́ę́ʼ hooghan nidahazʼą́ą́góó hazhóʼó ahił naʼííztą́ągo Jiihóvah yáyinízin ńtʼééʼ. Áko diyin kʼehgo dabiníghangóó bóhoníłdzilgo hazʼą́ą doo biniyé. (Deuteronomy 6:6, 7) Tʼáá éí binahjįʼ Jiihóvah Yá Dahalneʼé tʼáá damóo náʼoodleeł bikʼeh dabiníghangóó Jiihóvah yá nídahoołʼaah. Ákweʼé diyin kʼehgo bee bíká adoowołígíí áhodéesyéelgo baa yátiʼgo ánídaʼałʼįįh. Azhą́shı̨́ı̨́ tʼáá sáhí nighan ndi Diyin God Bizaad bíhwiideeshʼááł nínízinígíí bá náhwiiłʼaahgo éí bee God bił honílǫ́ǫ doo.

Ákweʼé hazhóʼó Jiihóvah bił ahéédahojilzįįh. “Diyin God baa hohkááh, áko bí ałdóʼ nihaa doogááł.” (James 4:8) Jiihóvah bizaad bikʼedaʼashchínígíí binahjįʼ hazhóʼó béédahodiilzįįł, éí átʼéhígi dóó áátʼįįłígi bídahwidiilʼááł. Dahaghangi Jiihóvah bá náhootʼaahgi bizaad biiʼdóó ahił nídajíłtahgo bee hááhálzhishgo nizhóní. Dah Halneʼii Bá Óltaʼgi Diyin God Bizaad nááltahígíí ałhił nídeiyínółta. Áádóó bídahoołʼą́ą́ʼígíí baa nínádaahtʼįįh doo.

Ákweʼé hooghan hazʼą́ągi hazhóʼó ahéédahojilzįįh. Ahastiin dóó eʼasdzą́ą́, amá dóó azhéʼé dóó áłchíní, Diyin God Bizaad ałhiijįʼ bídahwiijiiłʼaahgo éí bee niłdzilgo ayóóʼádaʼahijóʼní. Dahooghangóó tʼáá damóo náʼoodleeł áhodéesyéél dóó hwił dahózhǫ́ǫgo Diyin God Bizaad biiʼdóó íhooʼaah néiitʼaahígíí aláahdi bíká adéestʼı̨́ı̨́ʼ łeh. Áłchíní nooséłígíí baa nitsáhákeesgo, amá dóó azhéʼé baʼáłchíní bíniʼ yíneelʼánígíí bikʼehgo Bee Haʼídéesʼı̨́įʼii dóó Chʼééńdzííd! doodaiiʼ nihiwebsite, jw.org biiʼdę́ę́ʼ chooʼı̨́įgo baa nínádaahtʼįįhgo nizhóní doo. Naʼáłchíní daʼółtaʼgi haʼátʼííshı̨́ı̨́ bee bichʼįʼ anídahaztʼiʼígíí bił baa nídaahtʼı̨́įgo bíká adoołwoł. Doo hanii JW Broadcasting (tv.jw.org) ałdóʼ bił nółʼı̨́į da, áádóó bił baa nídóohtʼįįł. Éí doodaiiʼ áłah néiidleehdi sin bee adahoʼniitálígíí tʼah bítséedi bídanoohdlı̨́įgo bee nídahohtał. Áádóó ííłtsogo, doodı̨́ı̨́ł dóó doodlı̨́ı̨́ł bee hááʼdooyįhígíí łaʼ da hólǫ́ǫ doo.

Díí nizhónígo Jiihóvah daazhdísingo tʼáá damóo náʼoodleełgo bá nídahojoołʼaahígíí éí Diyin God Bizaad baa hoł dahózhǫ́. Áko díí binahjįʼ ląʼígo nihikʼijidlíi dooleeł.​—Psalm 1:1-3.

[Footnote]

• Haʼátʼíísh biniyé danihighangi Jiihóvah bá nídahwiilʼaah?

• Haitʼéego amá dóó azhéʼé hooghangi Jiihóvah yá nídahoołʼaahígíí bóhoneidlı̨́įgo áyósin doo?