HAADASH hootʼéii doo, Jiihóvah bídahojółníihgo? Naatʼáanii Sálaman hooʼáałgo 40 nááhai yę́ędą́ą́ʼ ákótʼéíí ńtʼééʼ.

David tʼahdoo daatsaahgóó biyeʼ Sálaman bikááʼdóó nahatʼáii yikááʼ dah yineesdá. Sálaman nijiiyeełgo God éí nínízinígíí shííníkeed hałní. Áko Sálaman éí hódząʼ dóó ił ééhózinii jííkeed, éí bee hazhóʼó nihodiyiishʼaah doo jidííniid. Díí Jiihóvah baa hoł hóózhǫǫdgo Sálaman hódząʼ dóó ajoobaʼ haidiníʼą́. Áádóó ajitʼı̨́į doo, hwéé hoʼdílzin dóó nízaadgóó jiináa doo, éí akʼeh hojíłʼı̨́įgo tʼéiyá God haidooleeł.

Sálaman éí hódzą́ bee nihojidiyiiʼaahgo bee hwééhoʼdílzin jizlı̨́ı̨́ʼ. Łah éí, sáanii nidiltʼéego ashkii yázhí léiʼ shí sheʼawééʼ ahizhdiʼníigo ałghazhditʼááh. Ńtʼééʼ Sálaman ání, díí awééʼ ałtsʼánółgéeshgo díí sáanii baa nołteeh níigo yee nihoníʼą́. Asdzání łaʼ bił tʼáá ííkoh, ndi íiyisíí amáhígíí náʼookąąhgo ání, dooda díí asdzání tʼóó baa nołteeh. Sálaman yaa ákoniizı̨́ı̨́ʼ, asdzání aʼááh nízinígíí beʼawééʼ lá, áádóó ashkii yázhí baazhníłtı̨́. Díí nihodeitʼánígíí Ízrel dineʼé yaa dahodiiztsʼą́ą́ʼ. Áádóó Sálaman bibee hódzáanii éí God bitsʼą́ą́dę́ęʼgo yaa ákodaniizı̨́ı̨́ʼ.

Sálaman ayóóʼátʼéego łaʼ jiilaaígíí éí kin biiʼ sohodizin Jiihóvah yá niiníʼą́. Éí ayóó ánoolingo Jerúsalemgi niiníʼą́, éí biiʼdóó Jiihóvah bichʼįʼ hodílzin. Díí kin ałtso ályaago, Sálaman sozdoolzin: “Jó, yádiłhił índa yáʼąąsh tʼáá náhwiistʼą́ą́ nítʼééʼ doo nihóoghah da, índa díí kin ná áshłaaígíí ádiyooshéhí yeeʼ.”​—1 Kings 8:27.

Sálaman daʼníłtsʼą́ą́góó haa haneʼ, níléí Shííba Aréíbiya hoolyéedi ndi. Shííbadóó naatʼáanii asdzą́ą́ éí Sálaman baa haʼniihgi dóó atʼı̨́įgi áádóó bibee hódząʼ hoł bééhodoozįįł biniyé baazhníyá. Sálaman hoł hazʼánígíí, éí naatʼáanii asdzą́ą́ díí jiiłtsą́ągo Jiihóvah baa hojiznih. Háálá éí naatʼáanii hódząʼ bee hólǫ́ǫ́ léiʼ nahatʼáii bikááʼ dah yineesdá. Sálaman hojooʼáałgo éí Jiihóvah hakʼihadlíigo daʼjitʼı̨́ dóó hodéezyéelgo Ízrel dineʼé bił hazʼą́ą́ ńtʼééʼ.

Ndi Sálaman éí Jiihóvah doo bikʼehgóó jideeyá. God bibee hazʼáanii jiitíihgo baa nízhdiidzá, éí sáanii tʼóó ahayóí hweʼasdzą́ą́ ájiilaa. Díí sáanii łahdę́ę́ʼ dabidiyin dahólǫ́. Áko hwedaʼasdzą́ą́ éí hajéí yę́ę Jiihóvah bitsʼą́ąjįʼ, diyin tʼóó bedaʼalyaaígíí bikééʼ yóó adahonííʼaaʼ. Áko Jiihóvah éí Sálaman ííłní, díí nahatʼaʼ łahdóó nighahideeshghą́ą́ł. Nizhéʼé David binahjįʼ, díí nahatʼaʼ éí nitsʼą́ą́dóó oochíłígíí łaʼ tʼáá bił nítʼiʼ doo. Jiihóvah doo bikʼehgo joogáał da ndi, éí Nahatʼaʼ David yił ałghaʼdeetʼánę́ę doo yaa yooznah da.

​—Naaltsoos 1 Kings wóltaʼii 1dóó 11jįʼ; 2 Chronicles wóltaʼii 1dóó 9jįʼ; Deuteronomy wóltaʼii 17:17gi biiʼ baa haneʼ.