KAROLO 1

Go Tloga Mehleng ya Bapatriareka go ya Mehleng ya Baahlodi

Karolo ye e bolela ka mehlala yeo e kgahlišago kudu ya batho bao ba ilego ba bontšha tumelo le sebete, go thoma ka Henoge go fihla mehleng ya moporofeta Samuele.

Karolo 1 Tatelano ya Ditiragalo

Tšhate yeo e bontšhago mengwaga yeo e phetšwego ke batho bao go bolelwago ka bona ka Beibeleng le ditiragalo tše bohlokwa tša ka Beibeleng.

1 HENOGE

O be a Sepela le Modimo

Henoge o be a sa swane le batho ba mehleng ya gagwe ka ditsela tše pedi. O ile a kgona go dira seo bjang? Mohlala wa gagwe o re ruta eng ka go ba le sebete?

2 NOA

O Ahlotše Lefase

Mehla ya rena e swana bjang le ya Noa? Bona kamoo o ka bontšhago sebete go swana le Noa.

3 SARA

Ga se a Nyaka go Boela Morago

Sara o ile a bontšha ka ditsela dife gore o na le tumelo le sebete?

4 ABORAHAMA

Motho wa Pele wa go lwa Ntwa ya Toka

Re ithuta eng tabeng ya gore Aborahama o be a ikemišeditše go phološa motlogolo wa gagwe Lota? Jehofa o ile a lebelela bjang sebete le tumelo tšeo Aborahama a di bontšhitšego?

5 ABORAHAMA

O Ile a kwa Modimo le ge go be go le Thata

Re ka ba bjang le sebete sa go kwa Jehofa go swana le Aborahama? Taba ye e re bontšha bjang gore Jehofa o a re rata?

6 REBEKA

O Ile a ya Moo a sa go Tsebego

Rebeka o be a na le sebete le tumelo. Mohlala wa gagwe o ka re ruta eng?

7 JAKOBO

O Bile le Sebete sa go Phološa Lapa la Gagwe

Jakobo o ile a šoma ka thata gore a hwetše tšhegofatšo yeo e tšwago go Jehofa? Mohlala wa gagwe o go ruta eng?

8 JOSEFA

O Ile a Fenya Teko

Bona kamoo mohlala wa Josefa o ka go thušago go kgotlelela mathata le go fenya diteko.

9 SHIFIRA, PUA, AMORAMA, JOGOBEDE LE MIRIAMO 

“Ba Ile ba ba le Tumelo Gomme ba Phološa Moshe”

Babelegiši, batswadi ba Moshe le sesi wa gagwe ba ile ba bontšha tumelo le sebete. Re ka ba ekiša bjang?

10 MOSHE

O Ile a Dira Phetho e Botse

Moshe o ile a dira phetho efe, gona ka baka la’ng? Mohlala wa gagwe o ka go ruta eng?

11 MOSHE

“Eya go Farao”

Dilo tšeo Moshe a kopanego le tšona di ka re kgodiša bjang gore Jehofa o tla re thekga ge re ikwa re sa swanelege go dira dikabelo tšeo a re neilego tšona?

12 KALEBE

O Ile a Dula a Botegela Modimo wa Gagwe

Bona kamoo mohlala wa Kalebe o ka re thušago go ba le sebete sa go se dire selo “feela ka gobane se dirwa ke batho ba bantšhi.”

13 JOSHUA

O Ile a Latela Ditaelo tše di sa Tlwaelegago

Jehofa o file Joshua ditaelo dife tše di sa tlwaelegago? Re ka ekiša mohlala wa Joshua maemong afe?

14 RAHABA

O Ile a Kgetha Jehofa Gore e be Modimo wa Gagwe

Re ithuta eng go seo Rahaba a ilego a se dira? Jehofa o ile a mo šegofatša bjang ka ge a ile a bontšha tumelo le sebete?

15 NAOMI LE RUTHE

Ba Ile ba Thušana Dinakong tše Thata

Naomi le Ruthe ba bontšhitše sebete ka ditsela dife? Mohlala wa bona o re ruta dithuto dife?

16 BARAKA LE DEBORA

“Ke tla ya le Wena”

Baraka o ile a gapeletša gore Debora a ye le yena ntweng. Na kgopelo yeo ya gagwe e be e bontšha gore o na le bofokodi goba gore o na le tumelo e tiilego?

17 JAELE

“O Šegofaditšwe Kudu Gare ga Basadi”

Pego ya kamoo Jaele a ilego a bontšha sebete ka go lwa le lenaba la Jehofa, e sa bolelwa go ba go fihla le lehono. Ke ka baka la eng gona bjale re swanetše go bontšha sebete kudu go swana le Jaele?

18 GIDEONE

O be a na le Sebete Ebile a le Šedi

Re ka swanelwa ke go bontšha sebete le go ba šedi ge re le maemong afe?

19 JEFETA LE MORWEDI WA GAGWE

Ba Ile ba Phetha Keno e Sego Bonolo

Mohlala wa Jefeta le morwedi wa gagwe o ka re thuša bjang lehono?

20 SIMISONE 

O Ile a ba le Sebete le ge a be a se na Matla

Dilo tšeo Simisone a ilego a di dira ka morago ga ge a dirile phošo di re ruta eng?

21 SAMUELE

Mošemane yo a Ilego a Bolela Molaetša wa Jehofa

Ke neng moo baswa ba ka bontšhago sebete sa go emela se se lokilego?

KAROLO 2

Go Tloga Mehleng ya Dikgoši go Fihla ge Jerusalema e Tsošološwa

Karolo ye e bolela ka mehlala ya batho bao ba ilego ba bontšha tumelo le sebete. Motho wa mathomo yoo go bolelwago ka yena ke Jonathane morwa wa Kgoši Saulo, ke moka ka morago gwa bolelwa ka Kgoši Dafida. Mafelelong go bolelwa ka ge batho ba Jehofa ba boa bothopša Babilona gomme ba tsošološa Jerusalema.

Karolo 2 Tatelano ya Ditiragalo

Tšhate yeo e bontšhago mengwaga yeo e phetšwego ke batho ba ka Beibeleng le ditiragalo tše bohlokwa tšeo di diregilego go tloga mehleng ya dikgoši go fihla ge Jerusalema e tsošološwa.

22 JONATHANE

O be a Swanetše go ba le Sebete Gore a Botege

Jonathane o be a swanetše go dira phetho ya gore o botegela mang. O tsebile bjang gore ke mang yoo a swanetšego go mmotegela? Re ka mo ekiša bjang?

23 DAFIDA

O Ile a lwa le Senatla

Batho ba be ba tseba Dafida a na le sebete ebile e le mogale. Mohlala wa gagwe o thušitše ba bangwe bjang? Wena mohlala wa gago o ka thuša batho ba bangwe bjang?

24 ABIGAILE

O Ile a Lebeletšana le Banna Bao ba Bego ba Galefile

Banyalani ba ka ithuta eng mohlaleng wa Abigaile?

25 DAFIDA

O Bile le Sebete sa go Dira se se Lokilego

Dafida o ile a bulegelwa ke sebaka sa gore a itefeletše. Ke ka baka la’ng a se a itefeletša? Re ka mo ekiša bjang?

26 NATHANE

O Ile a Phošolla Kgoši

Re ka ekiša bjang mohlala wa Nathane ge e ba re nyaka go fihlelela pelo ya motho yo a itšego?

27 MEFIBOSHETHE

Ga se a ka a Kwata le ge a be a Swarwa Gampe

Re ithuta dithuto dife tše di kgothatšago go Mefiboshethe?

28 ASA

‘O be a Rata Jehofa ka Pelo ya Gagwe ka Moka’

Re ka ithuta eng go tšwa go monna yo a bego a rata Jehofa ka pelo ya gagwe ka moka?

29 ELIYA

“Modimo wa ka ke Jehofa”

Eliya o thušitšwe ke eng gore a se ke a tšhoga?

30 MOHLOLOGADI WA TSAREPATA

O Dirile Selo se Thata Kudu le ge a be a Tšhogile

Pego ye ya mohlologadi wa Tsarepata e ka re thuša bjang gore re tshepe Jehofa?

31 NGWANENYANA YO MONYENYANE WA MOISIRAELE

O Bolela ka Jehofa Nageng e Šele

Mohlala wa ngwanenyana yo wa Moisiraele o ka go thuša go nea bohlatse le ge o tšhogile.

32 ELISHA

“Hle Jehofa, mo Thuše Gore a Bone”

Ke maemong afe moo re ka matlafatšwago ke go tseba gore barongwa ba dula ba re thekga?

33 JEHOYADA

O Ile a Šireletša Kgoši

Jehoyada o ile a ba le sebete sa go dira eng? O ka ekiša mohlala wa Jehoyada ka ditsela dife?

34 HESEKIA

“O Ile a Dula a Kgomaretše Jehofa”

Hesekia o ile a bontšha tumelo le sebete. Re ka mo ekiša bjang?

35 MANASE

O Bile le Sebete sa go Itshola

Ke ka baka la’ng Manase a ka balwa gare ga batho bao ba ilego ba bea mohlala o mobotse wa go ba le sebete?

36 JOSIA

O Ile a Thuša Batho Gore ba Hlankele Jehofa

Josia o ile a emela borapedi bja nnete ka sebete le ge a gotše boima. Re ka mo ekiša bjang?

37 DANIELE

“A ka se Itšhilafatše”

Baswa ba ka ekiša bjang mohlala wa Daniele wa go ba le sebete le go botega? Mohlala wa gagwe o ka re hola bjang?

38 BAHEBERU BA BARARO

Ga se ba ka ba “Fišwa ke Mollo”

Baheberu ba bararo ba ile ba bontšha sebete le ge maphelo a bona a be a le kotsing. Mohlala wa bona o ka re ruta eng ka go ba botho, go ba boleta le go botega?

39 ESITERE

“Ge e ba ke Swanetše go hwa, ke tla no hwa”

Esitere o be a le bohlale ebile a kgahliša Jehofa. O ile a kgona go dira gore monna wa gagwe yo a bego a sa hlankele Jehofa a mo thuše. Re ka ithuta eng mohlaleng wa gagwe?

40 NEHEMIA

O Ile a Tsošološa Maboto

Mohlala wa Nehemia o re ruta eng ka go hlankela Jehofa ka pelo ka moka? Bagolo ba ka ekiša bjang mohlala wa gagwe?

KAROLO 3

Mehla ya Mesia le Balatedi ba Gagwe

Karolong ye re tlo kwa ka mehlala ya batho bao ba ilego ba bontšha tumelo le sebete lekgolong la pele la mengwaga, bao ba akaretšago kgarebe ya Mojuda e lego Maria gomme ra phetha ka moapostola Johane.

Karolo 3 Tatelano ya Ditiragalo

Tšhate yeo e bontšhago mengwaga yeo e phetšwego ke batho ba ka Beibeleng bao go bolelwago ka bona go Karolo 3. E bontšha le ka ditiragalo tše bohlokwa tša go tloga mehleng ya Mesia go fihla matšatšing a mafelelo a bophelo bja moapostola Johane.

41 SAKARIA LE ELISABETHA

“Ba be ba Lokile Pele ga Modimo”

Ke ka baka la eng Jehofa a be a lebelela Sakaria le Elisabetha ba lokile? Rena re ka dira eng gore Jehofa a re lebelele re lokile?

42 MARIA

O Ile a Dumela ka Sebete

Maria o ile a hwetša kabelo ya moswananoši le e bohlokwa. Ke eng seo se ilego sa mo thuša gore a be le sebete sa go phetha kabelo yeo?

43 JOSEFA

O Ile a Hlokomela Lapa la Gagwe Gabotse

Josefa o beetše botate ba Bakriste mohlala ofe?

44 JOHANE MOKOLOBETŠI

‘Ga go yo Mogolo go mo Feta’

Johane o be a phela bophelo bjo bonolo ebile a na le sebete. Bona gore re ka ithuta eng go yena.

45 PETRO

“Ke Motho wa Sebe”

Mohlala wa Petro wa go hlankela Jehofa le ge a na le mafokodi o re ruta eng?

46 MARIA MAGDALENA

”Ke bone Morena!”

Maria o be a ikemišeditše go thekga Jesu le balatedi ba gagwe. Re ka bontšha bjang sebete le go kwela batho ba bangwe bohloko go etša ge a dirile?

47 MARIA, KGAETŠEDI YA LATSARO

“O Dirile se a ka se Kgonago”

Jesu o ile a reta kgaetšedi ya Latsaro e lego Maria ka gobane a ile a bontšha gore o na le sebete le tumelo. O bontšhitše bjang gore o na le sebete? Re ka mo ekiša bjang?

48 STEFANO

‘O be a Tletše Tumelo le Moya o Mokgethwa’

Stefano o ile a swanelwa ke go emela bophelo bja gagwe. O lwetše bjang tumelo ya gagwe? Mohlala wa gagwe o ka re thuša bjang gore re dule re botega?

49 PETRO

O Ile a ba Leswika

Mohlala wa Petro o re thuša bjang gore re tshepe Jehofa le go ba le sebete?

50 SAULO WA TARESO

O Ile a Fetoga

Ke eng seo se dirilego gore motho yo a bego a tlaiša Bakriste ga sehlogo a fetoge molatedi yo mafolofolo wa Kriste? Re ka ithuta eng mohlaleng wa gagwe?

51 BARANABA

“Morwa wa Khomotšo”

Baranaba o ile a ba le sebete sa go thuša Saulo a ba a mo iša go baapostola. Re ka mo ekiša bjang ka go ikemišetša go hlankela ba bangwe?

52 MAREKA

“O Nkhola Bodireding”

Mareka o ile a tšwela pele a hlankela Jehofa le go thuša banababo le dikgaetšedi le ge a ile a ba le mathata. Re ka ithuta’ng go yena?

53 PAULO

“Keletšo ya Gagwe e Ile ya Phološa Maphelo”

Moapostola Paulo o ile a bontšha bjang sebete nakong ya ge go be go bonagala a ka se phologe? Go bontšha gagwe sebete go ile gwa hola batho ba bangwe bjang?

54 MOAPOSTOLA JOHANE

O Bontšhitše Sebete le ge go be go le Thata

Moapostola Johane ga se a ka a tšhoga goba go fela matla. Re ka ekiša bjang mohlala wa gagwe gomme ra dula re na le sebete le go tshepa Jehofa?

PHETHO

“A re Beng le Sebete Kudu”

Beibele a na le mehlala ya bana le basadi, ya batho ba bagolo le ba banyenyane bao ba ilego ba ba le sebete sa go ema ka lehlakoreng la Jehofa. Mehlala ya bona e ka re thuša gore le rena re eme ka lehlakoreng la Jehofa.

Letlakala la ka Gare