Ē. Ko e tau Kerisiano a mautolu ha ko e tau kakano nei:

•   Lali a mautolu ke mumui fakatata ke he tau fakaakoaga mo e mahani a Iesu Keriso.—1 Peteru 2:21.

•   Talitonu a mautolu ko Iesu e matapatu ke moua e fakamouiaga, ti “nakai fakai taha higoa i lalo he lagi kua foaki mai ke he tau tagata, ke maeke ai ke fakamomoui a tautolu.”—Gahua 4:12.

•   Ka eke e tau tagata mo Tau Fakamoli a Iehova, kua papatiso a lautolu ke he higoa a Iesu.—Mataio 28:18, 19.

•   Talahau e tau liogi ha mautolu puhala he higoa a Iesu.—Ioane 15:16.

•   Talitonu a mautolu ko Iesu e Ulu, po ko ia ne kotofa ke moua e pule ke he tau tagata oti.—1 Korinito 11:3.

 Ka kua loga e puhala ne kehe mai a mautolu he falu matakau fakalotu ne fakahigoa Kerisiano. Ma e fakatai, talitonu a mautolu kua fakaako he Tohi Tapu ko Iesu ko e Tama he Atua, nakai ko e vala he Tolu Taha Tapu. (Mareko 12:29) Nakai talitonu a mautolu na fai vala e tagata ne moui ka mole e mate, ti nakai fakavē ke he Tohi Tapu e talahauaga na fakakikiveka he Atua e tau tagata ke he afi tote tukulagi, po ke nakai moua e lautolu ne takitaki e tau matagahua fakalotu e tau matahigoa ne matalahi atu mai he tau tagata ne toe.​—Fakamatalaaga 9:5; Esekielu 18:4; Mataio 23:8-10.