Skip to content

Tau Fakamoli a Iehova

Fifili e vagahau Faka-Niue

Talitonu Nakai e Tau Fakamoli a Iehova ki a Iesu?

Talitonu Nakai e Tau Fakamoli a Iehova ki a Iesu?

Ē. Talitonu a mautolu ki a Iesu, ne pehē: “Ko au nai ko e puhala, mo e kupu moli, mo e moui; nakai hau taha ke he Matua, ka noa mo au.” (Ioane 14:6) Talitonu a mautolu na hifo mai a Iesu he lagi ke he lalolagi ti foaki e moui mitaki katoatoa haana mo poa lukutoto. (Mataio 20:28) Ko e mate mo e liu tu mai haana ati maeke a lautolu ne fakagahuahua e tua ki a ia ke moua e moui tukulagi. (Ioane 3:16) Talitonu foki a mautolu ko Iesu he magaaho nei kua pule ko e Patuiki he Kautu he Atua i luga he lagi, mo e to nakai leva ti tamai e mafola ke he lalolagi katoa. (Fakakiteaga 11:15) Ka kua talia e mautolu e tau kupu ha Iesu he pehē a ia: “Ha ko e mena mua haku a Matua ia au.” (Ioane 14:28) Ti nakai tapuaki a mautolu ki a Iesu, ha kua nakai talitonu a mautolu ko ia ko e Atua Malolō Ue Atu.