Faigi nösi

Samaduhu’ö Yehowa

Fili li Nias

Hadia Nifotöi Watch Tower Bible and Tract Society?

Hadia Nifotöi Watch Tower Bible and Tract Society?

The Watch Tower Bible and Tract Society of Pennsylvania ya’ia da’ö badan hukum nifasindro me döfi 1884 barö huku Commonwealth of Pennsylvania, U.S.A. lafasindro badan hukum da’a ira Samaduhu’ö Yehowa si tobali fanolo ba halöwö nifaluara ba zi sagörö ulidanö, simane famazökhi Sura Ni’amoni’ö hegöi buku si te’odane-dane ba Zura Ni’amoni’ö.

Tefaudu moroi ba gefe si no te’owuloi, ohitö dödö badan hukum andre mo’amakhaita ia ba ”agama, pendidikan, hegöi sosial”, töra-töra ba ”wanuriaigö hegöi ba wamaha’ö niha sanandrösa ba Mbanua Lowalangi barö wamatörö Yesu Keriso”. Ha ya’ira nikaonia zi tobali anggota badan hukum andre ba lö lafaigi ha wa’ebua dolo tolo si no labe’e. Ira sangai halöwö ba badan hukum andre, direktur hegöi anggotania, falulu fohalöwö ira khö Badan Pimpinan Saksi-Saksi Yehuwa.

Falulu Fohalöwö khö Badan Hukum Tanö Bö’ö

Baero Watch Tower Bible and Tract Society of Pennsylvania, oya nasa badan hukum si no lafasindro ira Samaduhu’ö Yehowa si so ba ngawalö soi. So ösa zangoguna’ö ”Watch Tower,” ”Watchtower” si tobali töi badan hukumra, mazui lafo’eluaha ia molo’ö li ni’oguna’ö ba zi sambu-sambua mbanua.

Sagötö me no lafasindro badan hukum andre oya halöwö zi no makhamö, simane:

  • Fanura hegöi Famazökhi. No mafazökhi Zura Ni’amoni’ö mato 220 zuta wa’oya. No mafazökhi göi ngawalö mbuku si te’odane-dane ba Zura Ni’amoni’ö mato 40 miliar ba zi töra 700 ngawalö li. No lafa’anö Zura Ni’amoni’ö online si lö mu’andrö böli ba zi töra 120 ngawalö li ba situs Web jw.org. Ba situs da’a tola göi lasöndra wanemali moroi ba wanofu-nofu simane, ”Hadia Mbanua Lowalangi Andrö?

  • Famomaha. Oya zekola famomaha ba Zura Ni’amoni’ö si no mafa’anö. Duma-dumania, i’otarai me döfi 1943, töra 8.000 ndra Samaduhu’ö Yehowa si fao ba Sekolah Alkitab Gilead Menara Pengawal. Lafaha’ö ira ena’ö tobali utusan injil mazui wolului hegöi ba wanga’aro’ö halöwö nifaluama ba zi sagörö ulidanö. Ero migu, zuta niha wa’ayo, tenga ha ira Samaduhu’ö Yehowa zanöndra famaha’ö ba gangowuloa nifaluama. Mafaha’ö göi niha si lö mangila mombaso hegöi fanura, ba mafazökhi mbuku ni’oguna’ö ba wamomaha niha si no tefa’anö ba zi 110 ngawalö li.

  • Sosial. Matolo niha si göna abula dödö, hewa’ae niha zanga’asogö abula dödö andrö. Duma-dumania, simane genosida (fangohori zi sambua mado) ba Rwanda me döfi 1994. Matolo göi niha si göna bencana alam simane ndruru danö ba Haiti me döfi 2010.

Badan hukum si no mafasindro andrö zi tobali fanolo ba halöwö nifaluama. Hiza’i, lö ma’odaligö sibai badan hukum andre ba wamalua fefu halowöma. Ero samösa niha Keriso, la’onorogö tödö wamalua goroisa Lowalangi, yaia da’ö ba wamalua halöwö fanuriaigö hegöi ba wamaha’ö niha sanandrösa ba duria somuso dödö. (Matai’o 24:14; 28:19, 20) Faduhu dödöma wa hasambalö itolo ndra’aga Lowalangi, ba ya’ia ”zamanöi” halöwö nifaluama.—I Korindro 3:6, 7.