A̱POLAKTILIS. Asientojmej yej onoʼ iyi̱xtaj de la plataforma inó̱n iga yej yawij moa̱polakti̱tij. Moneki mamota̱li̱kan ompa pan sábado achto iga matsi̱nti discurso iga yej yawij moa̱polakti̱tij, moneki makiwi̱gakan itoalla wan seuʼ itsotsol.

KAN XIMOPAJTI. Xikejla̱miki iga iní̱n departamento ÍGASAN yej momachi̱liáj aye̱kti INÓ̱N HORA.

KAN XIMOTA̱LI. Nimitstajtaniliáj iga xitajla̱miki pan seuʼmej. Kua̱ xiktapejpena kan ximota̱li, welsan tikapartarowiliá kan mamota̱likan yej iwan ticha̱ntitoʼ, yej wi̱tsej mowan o wan yej timomachtiá de la Biblia. Kan ayá̱ tiá timota̱liti amo xikta̱li nité̱.

TEJTÉ̱ YEJ TIKPOLOJ. Tejté̱ yej tikasi xikawati pan Departamento kan onoʼ Tejté̱ yej Polijtoʼ. Si tejté̱ tikpoloj xaj ompa xikte̱moti. Ompa no̱ wel tikawati kokoneʼ yej polijtinemij. Iga amo xikyo̱lmikti seuʼmej, xikita iga mopilowa̱n nochipa maonokan mowa̱n.

XITAPALE̱WI. Si titapale̱wisnekij pan iní̱n weyi tanechko̱lis xaj kan Departamento kan mitsijliskej kan wel Xitapale̱wi.

XITAPALE̱WI WAN MOTOMIN. Motamij miak tomin iga wel matikpiakan kan matimota̱li̱kan, wan iga wel matikakikan wan matikitakan yej mopanolti̱s wan seuʼ tejté̱ yej te̱pale̱wiá iga matonokan ma̱j ina̱ Dios. Motomin yej tikmaka tapale̱wiá iga wel mamochi̱wa nochi inó̱n wan iga yej nemi mochi̱wa pan nochi ta̱jli. Pan nochi iní̱n kajli onoʼ cajas kan kijtowa iga wel tikakiá motomin. Nimitstasojka̱makaj iga ompa ankakiáj motomin. Comité yej Kiojkuiltiá yej Tajto̱lmoya̱waj de Jehová mitstasojka̱makaj iga ijkí̱n ankipale̱wiáj Irreinoj Dios.

YEJ TAYEJYE̱ʼTALIÁJ. Yejeme̱n onokej iga mamitspale̱wi̱kan. Xiktajto̱lkaki yej mitsijliáj iga kan xikajtewa mocamion, kan xinejnemi, kan ximota̱li wan seuʼ tejté̱.

ESCUELA IGA EVANGELIZADORES DEL REINO. Tikijliáj nochi precursores de 23 a 65 xiwiʼ yej ma̱j tekipanosnekij iga Jehová maya̱kan pan tanechko̱lis yej mochi̱was iga yej yasnekij pan iní̱n escuela, iní̱n mochi̱was domingo tio̱taʼ. Pan la plataforma moijtos kan wan te̱ hora mochi̱was.