¿Tlenon kijtoua Biblia itech teoyotl?
¿Kinnankilia toTajtsin nochimej ijkuak kinotsaj?
¿TLENON TIKNEMILIA TEJUA?
Nochimej
San sekimej
Xakaj
TLEN BIBLIA KIJTOUA
“Jehová nisiuj nemi itech nochimej akin kinotsaj” (Salmo 145:18).
¿TLENON NOIJKI UELIS TOMACHTISKEJ ITECH BIBLIA?
ToTajtsin xkinkaki ijkuak kinotsaj akin kixnamikij (Isaías 1:15). San ika, yejuamej uelis noyektlaliskej iuan yejua tla kipatlaj tlen kichiuaj ipan innemilis (Isaías 1:18).
Tla tiknekij ika toTajtsin matechkaki, noneki tikchiuaskej ijkon ken yejua kitlajtlani ipan Biblia (1 Juan 5:14).
¿Kenon noneki tinemiskej ijkuak tiknotsaskej toTajtsin?
SEKIMEJ KINEMILIAJ ika noneki nochipa notlakuanketsaskej, kintemoltiskej intsontekon noso san sekan kipiyaskej imauan ijkuak kinotsaskej toTajtsin. ¿Tlenon tiknemilia tejua?
TLEN BIBLIA KIJTOUA
ToTajtsin okinkak akin yeuejkaui okinotskej ijkuak ijkatoyaj, notlalijtoyaj noso notlakuanketstoyaj (1 Crónicas 17:16; 2 Crónicas 30:27; Esdras 10:1; Hechos 9:40). Jehová xkitlajtlani kenon noneki matinentokan noso kenon matikintlalikan tomauan ijkuak tikchiuaj tiknotsaj.
¿TLENON NOIJKI UELIS TOMACHTISKEJ ITECH BIBLIA?
ToTajtsin kinkaki akin yolyemankej (Salmo 138:6).
Tejua noijki uelis tiknotsas toTajtsin maski san ika katlejua tlajtojli niman san ichtaka (2 Crónicas 6:32, 33; Nehemías 2:1-6).
