Nzapa ye ya edu na siriri nga na dengɔ bɛ ka paradizo ge lɛ sese bwaí!

Mɔ lengbi ti hundangɔ tɛrɛ mɔ na ndo ya, ‘Asi gbanda ngasia?’ Ngbangɔ pa ya Lo-lengɔ Gbia tɛ Nzapa la na lingɔ ni. Se bɛ Nzapa du nga ya azi zu amanda lo mɛ aba Lo-lengɔ Gbia tɛ ni nga na ye mɛ lo ye na lo tɛ e.​—Nzembo 37:11, 29; Yisaya 9:7.

Nzapa ye ya edu nzɔ̃ni.

Ma se ko nzɔ̃ to ndo ye bo ya aya ni adu nzɔ̃ni ko, to e mɛ ka yayu ndo ye ya edu na dengɔ bɛ ti bwaí. (Yisaya 48:17, 18) Lo ko kapa ya “zo ko ali ye mɛ bɛ Nzapa aye ko, lo lua du ti kaka.”​—1 Yoanɛ 2:17.

Nzapa ye ya e dɔ nɔ̃ ka lége tɛ ni.

Ngbangɔ pa ya wa lingɔ e lo ye “fangɔ e na lége tɛ lo” wa e “dɔ nɔ̃ ka lɛ peli tɛ lo.” (Yisaya 2:2, 3) Lo lɛkɛndó “azi na lo ti ili lo” ya ko ala li ya azi hĩnga ye mɛ ni ye ge lɛ sese.​—Awa Pangɔ Kwa 15:14.

Nzapa ye ya ebombi tɛrɛ e ndoni kɔi wa e vɔrɔ ni.

Ta vuru sambela tɛ Yehova ndo kangbi ya azi ma, kanda ndo bombi ala ndoni kɔi ka ya bɛta songo. (Yoanɛ 13:35) Azi mɛ ndo ha ndɛ akɔli ná awe ndo zu se ti vɔrɔngɔ Nzapa ndoni kɔi na? E yɔ ka ti mɔ ya mɔ hĩnga azi ni na lége ti nyĩ buku olo mɛ.