Dai Bijbel mökt dat leewend aners

“Sai häwe mij mit gaurigkët behanelt.” - GUADALUPE VILLARREAL

GEBOORE WOORE IN: 1964

LAND: MÉXICO

GESCHICHT: IK DÄIR LEEWE SOO AS AIN FRUUG

WAT IK BELEEWT HÄW: Ik bün geboore in aine familg mit soiwen kiner, in dai stad Hermosillo, Sonora, México, ain stel wat sër arm is. Mij papa is doodbleewe as ik gans klain wäir un dårweegen mijn mama hät müst arbëre taum oos ernääre. Ik güng ümer barf’t, weegen wij hare kain gild taum schau körper. Ik wäir nog sër jong, as ik anfånge häw arbëre taum helpe oos familg ernääre. Soo’s feel familge sijn hüüser, oos huus wäir uk sër klain.

Dai mëst tijd lang, mijn mama wäir ni dicht bij oos taum oos behüüten. As ik 6 jår har, air jong wat 15 jår har, is mij angåe taum sex bedrijwe. Dat is ain lang tijd passijrt. Air dail wat passijrt is dårweegen, is dat ik ni waite däir woo ik müst sin, mit kërls urer mit fruuges. Ik dacht dat natürlig wäir, kërls wile. As ik hülp söcht häw fon dai dokters un fon dai religion schefs, sai häwe mij sicherhët geewt dat nischt forkërd wäir mit mij un dat wat ik forneeme däir, wäir natürlig.

Dun, as ik 14 jår har, ik häw ni mër forsteeke dat ik kërls häwe wul. Ik bün soo bijbleewe doir 11 jåre lang un häw sogår t’hoop wånt mit feel kërls. Ik häw hår snijre lërt un häw upmåkt mijn aigen stel woo ik hår snijre däir. Åwer inwarts wäir ik traurig, dat wäir air leewend mit eelend un bedraigen. Air dail in mij, däir mij säge dat wat ik måke däir, wäir ni richtig. Ik häw anfånge angrüüwle: ‘Däit dat wirklig gaure lüür geewe in dës wild woo ik mij upforlåte kan?’

Ik häw an mijn swester dacht. Sai har anfånge dai Bijbel lëre mit Jehovaas Tüügen un mit dai tijd hät sai sich tauwe låte. Sai däir mij fortele oiwer wat sai lëre däir, åwer ik däir ni mij dår ankëre. Lijkerst soo ik däir sër schöön maine eer leewend un eer forfrigt leewend. Dat wäir saien dat sai un eer kërl, wirklig sich lijbe däire, sich respektijre däire un ümer sich gaud behandle däire. Mitm tijd, ain Jehovaas Tüügen hät anfånge dai Bijbel mij inlëre. Im anfang, ik häw mij ni feel ankërt, åwer mit dai tijd is dat aners woore.

DAI BIJBEL HÄT MIJ LEEWEND ANERS MÅKT: Dai Jehovaas Tüügen häwe mij nöögt taum ain fon eer forsamlung un ik häw dat annåme. Is gans aners wäst. Dai lüür däire ümer spote oiwer mij, åwer Jehovaas Tüügen ni. Sai häwe mij gaud behanelt un sin fründlig mit mij wäst. Dat hät mij härts anstöt!

As ik henmåkt bün na ain kongress, dat hät mij nog mër gefale soo as dai Jehovaas Tüügen wäire. Ik häw saie dat sogår wen feel fon eer t’hoop wäire, sai wäire soo as mijn swester un wäire wirklig gaud. Ik wul gaure lüür fijne woo ik mij upforlåte küün. Har ik dai wol fuune? Jehovaas Tüügen sij lijb un ainigkët däir mij bewunre un sogår dat sai ümer dai Bijbel benutse däire taum dai frågen antwoore. Ik häw saie dat sai gaud wäire, weegen dat wat dai Bijbel inlërt un dat ik air fon eer ware küün, müst ik feel daile int raich bringe.

Ik häw müst gans aners ware, weegen ik däir leewe soo as ain fruug. Dai moor woo ik fortele däir, mij tüüg, mijn hår un sogår mit dere woo ik ümer mij t’hoop wäir, ales müst ik aners måke. Dai woo ik airste ümgang mit har, häwe anfånge oiwer mij spote, sai sääre: “Woweegen däist duu dit måke? Duu wäirst doch airste gaud. Dau anhule dai Bijbel lëre. Duu häst doch ales!” Åwer dat slimst for mij, wäir låte un aners denke oiwer der sex måke.

Lijkerst soo, ik däir waite dat mööglig wäir aners ware. Dai wöör in 1 Coríntios 6:9 bet 11, häwe mij koråsch geewt: “Waite jij ni dat dai ungerechte ni God sij Regirung ärbe daue? Daut juuch ni forfuire låte. Dai wat huurerig bedrijwe, dai wat gemåkt daile anbeere, dai wat sich ain anerd fruug urer anerd kërl neeme, kërls wat sich afgeewe tau andrer kërls, kërls wat dat måke mit andrer kërls . . . daue ni God sijne Regirung ärbe. Wek fon juuch sin soo wääst. Åwer jij sin rëgen wusche woore.” Jehovaa in der tijd, hät dai lüür hulpe aners ware un hät mij uk hulpe. Ik häw müst mij anstrenge feel jår, åwer dai lijb wat dai Jehovaas Tüügen wijse däire un eer hülp, häwe mij sër hulpe.

WOO DAI BIJBEL MIJ HULPE HÄT: Hüüt is mij leewend gans aners. Ik bün forfrigt un t’hoop mit mijn fruug daue wij oos kind inlëre leewe nå dat wat dai Bijbel sägt. Dat wat ik beleewt häw is tröög uut bleewe un hüüt häw ik feel seegens, sogår in dai gemaind. Ik bün ülst ine gemaind un häw dai wårhët fon God sij Woord andrer lëre hulpe. Mijn mama is sër fröölig woore mit dat wat ik im mijn leewend aners måkt häw, dat sai annåme hät dai Bijbel lëre un hüüt is sai uk ain Tüüge fon Jehovaa. Mijn anerd swester, wat air soigisch leewend häwe däir, is uk Tüüge fon Jehovaa woore.

Sogår dai lüür wat gefale däir soo as ik airste leewe däir, häwe saie dat ik nuu wirklig beeter leewe däir. Åwer ik wait woweegen ik aners woore bün. Airste häw ik sogår dai dokters söcht taum mij helpen, åwer häw bloos slecht formånen kreege. Nuu, hät Jehovaa mij hulpe. Lijkerst dat ik mij åne wërd befijne däir, hai hät mij saie un hät mij mit lijb un geduld behanelt. Waite dat air lijb, klauk un bewunrig God, sich bekümre däit mit mij un wil dat ik dat best leewend häwe schal, is wat dai uunerschëd måkt hät.