CIJIJO 4
Kunasirira Murangariro wo Mundhu kuti Averengehwe Bhaibheri
Mateu 22:41-45
MUNODIKANA KUITENYI? Nasiriranyi murangariro wo mupurutani wenyu mucito maverenga Bhaibheri.
MUNGAZVIITISA KUDINI?
-
Rangariranyi kuti ngenyi muri kuverenga vhesi iyi. Mucito maverenga vhesi imwe na imwe, nanganyi masoko anobesera mupurutani wenyu kuti awane fundo ramunoda kukohomejera pa vhesiyo.
-
Shandisanyi Bhaibheri. Pamunobhuya no vandhu vanotenda Mwari, vavonesenyi kuti Bhaibheri i “Soko ra Mwari,” mukadaro munovatatija kuti irona i cinyuke cikuru co ungwaru.
-
Itanyi kuti vapurutani vade kuzwa Bhaibheri. Itanyi mubvunjo jinodavihwa mu Bhaibheri, nanganyi cineso cinotongwa ngo Bhaibheri kana kunanga ciambi cinonasa kudurujihwa ngo Bhaibheri.