Kunasirira Ushoni. Jijanyi pamunodaro kuzojijisa mbhera muzwisise mafundo makuru zve mozwisisa kuti vhesi jiripo waro jinobesera kudini mafundo makuru. Psakanyi kumananga ngo manera enyu, ngo magama mashoma zve acikanesi kuzwisisa. Batikananyi ngo mabesero aanozoita vapurutani venyu zve kumbiranyi mujimu mucena.

Shandisanyi magama anovonesa kukhohwa. Kusiyapo kuphinda magama akatahwaro kamare, shandisanyi magama enyu. Shandisanyi mavereketero anovonesa kuti makakhohwa ngo zvamuri kunangaro.

Bhuyanyi makakhohwa zve ngo mwoyo wese. Vereketanyi ngo izwi rinozika ngo vese. Rambanyi mecisota vapurutani venyu, kudari zvecitendehwa kwamuri waro.