Tla amikaj mitstlajyouiltijtok, xamo yotikitak ken kinchiuiliaj oksekimej. Itech noticias mokaki miakej kinkokoliaj porque oksekan inmialtepe noso porque mosiuakopaj noso motlakakopaj. Ik non, miakej tekiuajkej yokitlalijkej seki tlanauatilmej kanin kijtouaj tlen kinchiuiliskej akinmej tekokoliaj uan tetlajyouiltiaj.

Akinmej kinkokoliaj uan kinchiuiliaj tlen amo kuali, yejuan peuaj tekokoliaj. Momakopaj uan ijkon oksekimej peuaj tekokoliaj uan nochipa ijkon panoua.

Xamo tejuatsin yomitschikoitakej, yomitspinauijkej, xamo omitsuijuikaltijkej uan hasta xamo omitsiluijkej mitstlajyouiltiskej. Pero akinmej tekokoliaj tlateuiaj, kinchiualtiaj oksekimej inmiuan ma motekakan uan hasta temiktiaj.

Nin revista kijtoua ken uelis ayakmo tekokoliskej uan noijki kinankilis tlen nikan ijkuilitok.

• ¿Tleka miakej tekokoliaj?

• ¿Ken uelis ayakmo titekokoliskej?

• ¿Se tonal ayakmo ikaj tekokolis?