Israeleuanij kiixkotonkej nopa uaktok tlali. Uan nechka kalakisej ipan nopa tlali tlen toTeotsij kintenkauilijtok kinmakas. ¿Kineltokasej ika nochi ininyolo nochi tlen Jehová kiniljuis ika Josué? ¿Kiitasej kenijkatsa toTeotsij kichiua tlen kintenkauilik? Tlen nesi ipan ni tlanextili kichiuas ximotemachi Jehová nojkia kitlamichiuas ipan ni tonali nochi tlen kiijtojtok.