Teipa kuali tiitstosej

“Nojkia moneki xijmachili ya ni. Kema ualas itlamia tonali elis nelia fiero” (2 TIMOTEO 3:1).

¿TIKITSTOK o tijkaktok se tlamantli tlen nika uala?

● Se kokolistli kinmiktia tlauel miakej maseualmej.

● Miakej mikij pampa amo kipiaj tlen kikuasej.

● Kema mojmolinia tlali tlauel miakej mikij uan ueloni ininchaj.

Ipan ni pilamochtsi tikitas kenijkatsa panotok tlamantli tlen tlauel amo kuali. Uan tikitas kenijkatsa Biblia ipa kiijtojtoya panoskia nochi ni tlamantli ipan “itlamia tonali”.

Tijnekij tlen moixtomas ipan ni tlamachtili ma mitspaleui tikitas teipa kuali tiitstosej uan amo san xijmajto tiitstokej ipan itlamia tonali. Tikitas kenke nopa chikuasej tlajtolpanextili tlen uala ipan Biblia kinextia nechka tlamis “itlamia tonali”. Nojkia tikitasej se keski tlamantli tlen sekinok moiljuiaj uan kenke uelis timotemachisej teipa kuali tiitstosej.