Xijtlapejpeni neskayotl tlen amo ouij. Xijchiua kej Jesús: kema tijnekis tikixtomas se tlamachtili tlen ouij, xijtekiui neskayotl tlen amo ouij. Amo xikijto sekinok tlamantli tlen ueliskia kichiuas amo ma mokuamachili nopa neskayotl. Kuali xikita tlaj nopa neskayotl mouika ika nopa tlamachtili tlen tijneki tikinmachtis, kiampa katli mitstlakakilisej amo mosentlalisej ipan sekinok tlamantli.

Ximoiljui ipan katli mitstlakakiliaj. Xijtlapejpeni neskayotl tlen mouika ika tlen momajtokej kichiuaj katli mitstlakakiliaj o tlen kintekipachoua. Xijchiua kampeka amo tikinpinaualtis yon tikinyolkokos ika nopa neskayotl.

Xikixtoma tlake tijneki tikinmachtis. Xijtekiui se neskayotl san kema tijnekis tikinmachtis se tlamachtili tlen tlauel ipati. Xijchiua kampeka ma kiilnamikikaj nopa tlamachtili tlen tijneki tikinmachtis uan amo nopa neskayotl.