ANAMATHOONYERA Anamathoonyera athanliye wiira yuukavihere. Sontte ninawuulepela upanke inhalaaya uwiirela, uttharaka inhalaaya uhimya toko inanna coweemesa ikaaro, weettakaca nipuro no nkutthaano, uthanla mapuro owonkoma ni citthu cikinaku.

CIRIMENLE NI CILOKOTTHIYE Citthu cilokotthiye cihaana urwaaniya nipuro cintafitiyaaya Cirimenle ni Cilokotthiye. Yakhala wiira ihaavo itthu yuurimenle, urwee nipuro nenno woone khampa iholokotthiya. Anamwane oorimela ahaana urwaaniya nno nipuronno, masi nhiliyale wuupuwela wiira khaninakhala nipuro nintafitiya asaana. Phimaana, khula ntthu haana waatafiti ratta asaanaawe ni uhaahiya yeetakacaka veekha.

MAPURO OWONKOMA Unaarera waahisima akhwiihu. Weeva pooti waasunkera mapuro amucyaa, ale waawanilyaa nkaaroni waa, waalattunlyaa awula anaasomihaa Ibiiblya. Sontte uheese hataa itthu waculu mapuro anhala wonkoma atthu akiina.

MICANKO Uhorihakaciya nsurukhu mwinci wiira citthenkaciye ihice awula ikhatera coohala wonkomeliya, ikaruma cinci coorumihaciya, ikaruma co wooniheriya ividiyu ni citthu cikinaku coohala ukavihera uviriyana ikonkreeswiila inhala unikavihera ukhala apatthani a Yehova. Micanko cinhalaa uvaha, phinhala ukaviherera utthenkaciya cila citthu cila ni ukavihera nteko woolalyeera ntuninyani ihapari comaana ca Nluku. Nipuro ninhala upankiya ikonkreesu unaahala uphwanya ikaasa cinci unhalaaya uheliya micanko. Khula ncanko unhalaa uvaha unkowaakheleliya ni nrima wootteela, ni Mphwinko wo Mahumu Unhoolela unkhala wuusukhuruku cinene inanna cinkaviheraa miteko co Umwene wa Nluku.

MPATTISO Wakhala wiira khanihimiye nipuro nikinaku, ikhatera caya ale anhala upattisiya cinhala ukhala uhoolo wo ipaaluku. Ale anhala upattisiya ahaana wonkoma ala mapurwaala uhinaaya wancera mwaha wo mpattiso, Isaapatu uwicisu. Ciicammo ahaana uwaana itowaaliya ni ikuwo coothoonyera ihisima coohala uwara ukati woopattisiya.

NIKAVIHERO NOOPACERA Sontte uhiliyale wuupuwela wiira nna nipuro ninhala utafitiya paahi masakha awula iretta COOHITEPA URIKA.

NTEKO WO WIIVAHERERIYA Wapheelaka ukavihera miteko co wakonkreesuni, urwee nipuro ninvahiya Ihapari ni nintthenkaciya Nteko wo Wiivahereriya.

NKUTTHAANO MUULUPALE ICIKOLA YA ANAMALALYEERA UMWENE Mapiyoneeru akhalanne myaakha ukhuma 23 mpaka 65 ampheela wuncerera miteko cinonvarelaaya Yehova, anaalattuliya uviriyana nkutthaano wa ale ampheela ukela Icikola ya Anamalalyeera Umwene. Nkutthanoola unhala upankiya Itominku uthana. Iwoora ni nipuro unhalaaya upankiya cinaahala uttonkiya nenno nihukunno.