Kamonai taudia ba durudia sibodia lalodia bae tahu namonamo. Henanadai haida ba gwaurai, ena be asio uramu idia bae haere, to o uramu ba durudia edia ura ḡaudia bae lalohadailai namonamo totona.

Ba durudia kara namodia bae goadalai. Kamonai taudia ba hamaorodia ḡaukara namodia e karamu badidia bae tahu na namo. Ba durudia mai edia ura ida kara namodia bae goadalai badina Iehova e lalokau heniamu, taunimanima e lalokau henidiamu, bona Baibul ena hahediba herevadia e ura henimu. Ba durudia bae itaia Baibul na aonega amo e honu; basio gwau henidia. Emu tok dokonai idia basio hahemaraidia, to ba hagoadadia kara namodia bae goadalai totona.

Ba durudia Iehova bae laloa totona. Ba hahedinaraia edena dala ai Baibul ena hahediba herevadia, o hahekau herevadia, bona taravatu amo Dirava ena kara bona ita e lalokau henidamu karana baita dibaiamu. Kamonai taudia ba durudia Iehova ena hemami bae laloa bona bae hamoalea.