NDJIGLA 01

Ntedele Bible nkoul kouind wo?

ÉCOUTER EN

Seu bez me de chile mi chili chou sa i tsia ne tsig, mi ndjougou, chouiy, ngue melou me zag. Seu me de neme beu ne i yagwo chou tsig djissou a melou mez, neme nda nwale nkow ne ndjaw boud ne sale ne i beug mintague de. Ntsoulia boud b’a me kouew ne Bible ngue yeu i yalane y’a mama mi chili mia tsig ne kouind bouo tsig a melou mez de. Ye wo tadga ne Bible nkoul beu ne nfi chou djissou?

1. Miayai mi chili Bible ngue yalane?

Bible ngue yeu i yalane chou mama mi chili mi ga: Tsig y’a taide ntedele? Ne tsie dji seu besse wa chi de? Ne tsie dji boud b’a ngai ne sa baw beu ngue djoug? Dji i de tsong mpesse chouiy? i ndoul ne moud yez me dji tsigue ivouvouey de, ne tsie dji i k’a beu ne ntsoulia me domb? Dji i b’a wouosse ne chi melou me zag? Bible ngue yeu seu mechoume songle i yalane y’a mi chili mi ni, ke djie ne o million o boud b’a deug me gnoua ne i yalane biey.

2. Ye Bible nkoul beu seu ne nfi tsig djissou a djouaw dez de?

Bible dji louandla ne djong metsoung. Nda youg, a kouind mi ndjaw mi boud ne mi beug fouamai mintague de. A yeu meleb chou ntongle yagwo a ne wo dji yima, ne louo vale wo nkoul ngue sa i chiey bio ne mintague. Biey kouew wa kalad ega de sa Bible ngue djigli i tsiai i ni biez de. Kou ne mechouane, wai magle ne “mi Tsilia miez [ndo me ke ne sa djiez djisse Bible de] misse . . . ne nfi.”—Timothee 2 3:16.

Kalad ega ngue yeu wo ikeka djiglile Bible. Sa ngoud, a yeu neme womefouo mechoume longle Bible. Gouo, i kouaga ne wo deug long i foussou bisse mi ndjigla de, ne yigla bio ne sa wo ngue djigli.

SEU MPOUG FEIGLI

Seu deuguega vale Bible gn’a me kouind boud, sa seu nkoul sa chou beule ne mintague dele long gne, ne ne tsie dji i kouaga beule ne nkoumba moud kouindle seu mpoule gouag mi ndjigla miey.

3. Bible nkoul louo seu jii

Bible dji neme nda lambai i boul fane. Seu nkoul balane Bible chou nwale djong mi tsigla ne mpoule sa i ngue bouand seu melou me zag.

Longue O Sam 119:105, ne yalaneg mi chili mi ga:

Dji tsilai Sam ga gn’a ngue tadga chou Bible?
Wo gney ngue tadga dji chou Bible?

4. Bible ngue yalane mi chili missou

Ngouolga mouda gn’a kouew Bible de i yalane i mi chili gn’a de chile tai chouinja mi mbou. Deugueg CHILMA, ne yalane mi chili mi ga.

CHILMA: Kouga boualai miasse sa bi ngue bougla! (1:48)

Chilma de, miayai mi chili mouda ni gn’a de chile?
Ntedele ndjigla Bible y’a kouind gne?

Bible ngue yeu seu mechoume dele chile mi chili. Longue Mathieu 7:7, k’a yalane chili ga:

Miayai mi chili seu me tsiel kouew i yalane Bible de?

5. Longle Bible i nkoul beu sa mintague

Ntsoulia boud beu de tsiel long Bible ne nwa nkow ne longya wang. Deugueg CHILMA, ne yalane mi chili mi ga.

CHILMA: Longle Bible (2:05)

Chilma de, ye mi ngouinja mi ni mi de tsiel long?
Ne tsie dji beu de tsiel long Bible?

Mi ndjigla mia Bible mi de gouandele seu ne yeu seu bougue. Longue O Romain 15:4, ne yalaneg chili ga:

Ye wo tsiel gningue boul mpou sa Bible ngue djigli chou mi ngouendla ne bougue?

6. Bolga beu nkoul kouind seu mpoule Bible

Chouinja boud beu de tsiel long Bible, veda beu deug neme ne dji ne nfi dele leicha ne bolga boud. Longue Mi Solgou 8:26-31, ne yalane chili ga:

Ntedele seu nkoul mpou Bible?—Deugueg i foussou 30 ne 31.

Ngouol moud a Ethiopie gn’a dji kouinda chou mpoule gouag sa gn’a ngue long. Mousse neme, ntsoulia boud beu deug ne dji ne nfi dele leicha ne bolga sa Bible ngue djigli

BOLGA BOUD BEU DE TSI NE: “Djiglile Bible dji djimbalele fouala.”