1. Thinlunga ka ngaihtuahnate,

Nilênga ka thil chhût ṭhinte—

I tân lawm tlâk ni se, Lalpa,

I kawng chu min zawhtîr reng se;

Lungkhamnain min tlâk buakin,

Zân mu ka chhîn theih loh châng hian,

Nang leh i thiltih ropuite,

Ngaihtuah nân hun ka hmang nâng e.

2. A thianghlim leh dik apiangte,

A ṭha leh thangmawi apiangte—

Hêng thute ka ngaihtuahna hian,

Thinlung thlamuanna min pe se;

I ngaihtuahna a va hlu êm!

Aw, Lalpa ka chhiar sêng lo’ng e;

I thute chu ngaihtuah rengin,

Ngun takin min chhûttîr nâng che.