Bilondolola Bible

Bisumpi bivule bītela bu bya bwine Kidishitu bifundijanga amba Leza i Busatu Busantu. Inoko Encyclopædia Britannica unena’mba: “Mu Kipwanino Kipya kekudipo palembelwe kishima Busatu Busantu, nansha padi lufundijo lwakyo . . . Luno lufundijo lwaandabile bityebitye mu tutwa twa myaka ne lupata ponka.

Na bubine, Leza wa mu Bible kadipo na palombwelwe bu ubadilwa mu Busatu Busantu. Tala ino mikanda ya mu Bible:

Yehova wetu Leza i Yehova kasukwa.”—Kupituluka 6:4.

Abe enka, wa dijina dya bu-Yehova, wi Mwinemukatakatamwine panopantanda ponsololo.”—Ñimbo 83:18.

Buno’bu bo būmi bwa nyeke, bekale kukuyuka abe, Leza umo kete wa bine, ne yewa owatumine, Yesu Kidishitu.”—Yoano 17:3.

Inoko Leza i umo kete.”—Ngalatea 3:20.

Mwanda waka bisumpi bivule bītela bu bya bwine Kidishitu bifundijanga amba Leza i Busatu Busantu?